Minister di Defensa Colombiano, Guillermo Botero, diaranson pasa a afirma cu tur operacion militar cu ta desaroya na e pais ta cumpli cu Derecho Internacional Humanitario (DIH), despues cu na Senado a denuncia un bombardeo den cual 7 menor di edad a muri.

“Tur operacion militar ta revela na un fase di planeamento denomina ‘Proceso Militar di tuma di decisionnan’, figura cu a implementa na tur e Forsa Militar desde 2008 pa mandato di e politica integral di DDHH y di DIH di Ministerio di Defensa”, Botero a afirma pa periodistanan.

Asina a contesta e minister un dia despues cu e congresista Roy Cardenas a acus’e den un mocion di censura den Senado di permiti ehecucion di personanan civil y un bombardeo na augustus na departamento di Caqueta, den cual supuestamente 14 disidente di Farc a muri.

Ademas, e congresista a presenta informe di Medicina Legal, segun e cual entre e victimanan di e operacion ey tabatin un mucha muhe di 12 aña, un hoben di 15, dos di 16 y tres di 17 aña.

Cu e acusacion ey, Botero a califica e informacion di e Senador como ‘robes’ y ‘speculacion’ y a sigura cu ta den wega instrumentonan pa protege e Estado y sociedad contra ‘e menasa grave cu ta vigila nos y cual nos ta den obligacion di combati’.

Botero a detaya tambe cu despues di operacion militar na Caqueta, a presenta e resultadonan den e Fiscalia, entidad cu te e momento no a solicita e Ministerio informacion pa ‘posibel responsabilidad di miembronan di e forsa publico’.

 

 

LEAVE A REPLY

Please enter your comment!
Please enter your name here