E halto comisionado di paz na Colombia, Sergio Jaramillo a haci un yamado na tur candidato presidencial den eleccion presidencial di 2018, pa respeta e yegada di FARC den politica.
“E esencia di un proceso di paz ta un grupo di guerrilla cu a laga nan arma, pero no pa bula den un buraco, sino pa bira algo diferente, manera un forsa politico,” Jaramillo a splica na periodistanan den un foro cu a ser yama “inclusion y educacion, pilar pa paz”, cu a ser organisa pa un proyecto Colombia 2020.
E proximo aña tin proceso di eleccion pa presidente di Colombia y te awor a sali como dies aspirante pa participa y trata di haya e posicion di presidente di Colombia. Ex-presidente Germán Vargas Lleras ta un di nan cu kier tuma posicion di presidente atrobe. E abogado y politico di 55 aña di partido Cambio Radical, ta lidera encuesta di intencion di voto cu 21,5% pa eleccion di presidente di Colombia, cu lo tuma lugar na luna di mei na 2018, segun un encuesta a publica.
