(Reuters) – Un Colombiano a ser afecta cu un malesa pulmonar obstructivo cronico na unda cu diabierna di siman pasa a muri despues di ricibi eutanasia legal regula, a bira e prome persona na e pais sur Americano cu a haya e procedemento pa un malesa no terminal, ademas di incurabel, segun loke su abogado a informa.

Victor Escobar di 60 aña, tabata padece di EPOC y tabatin un calidad di bida reduci pa via di e consecuencia di dos accidente celebro vascular, cuatro cirugia di columna, diabetes, hipertension y un paralisis parcial.

Aunke Escobar a pasa na historia como e prome persona cu a ser someti na eutanasia na Colombia sin cu tabatin un malesa terminal, no ta e prome caso cu e procedemento aki a ser utilisa na e pais sur Americano di 50 miyon habitante, cu religion catolico y conservador den su mayoria.

“Su decision pa muri cu dignidad a tuma luga”, e abogado Luis Giraldo a bisa den un video publica diabierna den oranan di anochi. “Victor a sufri hopi, pero na final el a gana e bataya”.

E prome biaha cu eutanasia legalmente a ser aplica na un pashent cu un malesa terminal tabata na juli di 2015.

“Hopi danki, bendicionnan y brasa. Mi no ta bisa ayo, sino te despues, mi ta stima boso cu tur mi curason”, e homber a bisa den un mensahe cu a graba na su amigonan y familiarnan oranan prome cu e procedemento tuma luga na un clinica di e ciudad di Cali, capital di departamento del Cauca, 250 kilometer di Bogota.

“A logra yega na obhetivo cu pashentnan manera a mi, no terminal sino pashent degenerativo, nos a logra y gana e bataya, un bataya cu ta habri porta pa otro pashentnan cu ta bin tras di mi y cu na e momentonan aki ta desea un morto digno”, el a agrega.

Escobar, ken tabata biba conecta na un tanki di oxigeno, a recore e caminda di dos aña pa logra eutanasia pa via di e negacion di e dokternan, clinicanan, fayo hudicial aunke tabatin un sentencia di Corte Constitucional cu a reconoce e derecho di muri di manera digno y a determina cu no solamente pashentnan terminal por solicita e procedemento.

 

 

 

LEAVE A REPLY

Please enter your comment!
Please enter your name here