(EFE) – Colombia y otro paisnan di Centro America ta “hopi vulnerabel” cu efectonan di crisis climatico y nan no tin e capacidad di adapta na dje, mientras cu Mexico y Brasil ta miho prepara pa enfrenta e cambionan ey.

Esey ta un di e conclusionnan di cuatro rapport publica ayera diahuebs pa Gobierno di Merca riba e relacion entre crisis climatico, migracion, y siguridad; cu tambe ta adverti cu China lo por wordo beneficia di e cambionan climatico pa “gana influencia”.

E rapportnan di Cas Blanco, Pentagono y oficina di director di inteligencia di Merca (ODNI, na Ingles) hunto cu Departamento di Siguridad Nacional pa prome biaha ta marca cu gobierno Mericano ta examina detayadamente e desafionan geopolitico cu e crisis climatico ta plantia, y su relacion cu migracion.

“E efectonan fisico creciente di cambio climatico te 2040 y mas leu lo sinti di forma mas grave den paisnan desaroya, cu nan tambe ta menos capaz di adapta na e cambionan aki” e analisis di ODNI a señala.

E rapport aki di comunidad di inteligencia Mericano ta identifica diesun pais di “preocupacion grandi” ademas di dos region henter: Africa Central y islanan di Pacifico.

E diesun pais ta Colombia, Guatemala, Honduras, Nicaragua, Haiti, Afganistan, Birmania, India, Pakistan, Irak y North Corea. Segun ODNI, tur di nan ta “gravemente vulnerabel pa efectonan fisico” di e crisis climatico y “nan no tin e capacidad di adaptacion”.

“Den diesun pais ta specialmente probabel cu lo tin temperatura cada biaha mas cayente, incidentenan climatico extremo y perturbacion den e patronchinan di lama cu lo menasa cu nan siguridad energetico, alimentario, di awa y sanitario”, e documento ta adverti.

E rapport ta recomenda Gobierno Mericano pa yuda e paisnan aki “pa mehora nan resiliencia tocante e cambio climatico” cu e obhetivo di “disminui e futuro riesgonan pa interesnan di Merca”.

LEAVE A REPLY

Please enter your comment!
Please enter your name here