Colombia yegando na 50 miyon habitante na 2018

Colombia ta cerca di yega na e cifra di 50 miyon habitante, segun e Departamento Administrativo Nacional di Estadistica (DANE). Esaki ta pone e pais na tercer luga pa loke ta poblacion na America Latino, despues di Brasil y Mexico. E aumento di poblacion ta continuo, y ta anticipa cu pa aña 2025 e pais por ta e di tres mas pobla di henter Iberoamerica, riba Spaña cu ta di tres actualmente.

“50 miyon persona sin duda ta un bendicion y ta mustra e potencial di e pais,” e analista economico Aurelio Suárez ta bisa. “Nos ta dos biaha mas grandi cu Chile, nos ta 16 biaha Uruguay,” e ta agrega. “Riba e planeta aki tin solamente 27 pais cu tin mas di 50 miyon habitante,” Mauricio Perfetti, director di Dane, ta destaca.

Pero un nacion necesariamente ta miho nacion si e tin mas residente? E contesta ta depende di e oportunidadnan cu cada un di nan tin. Por ehemplo, India tin 1.100 miyon habitante, cu un tercera parti bao di e linea di pobresa. Ta dificil pa ta optimista ora bo tin 350 miyon di hende cu no tin nada. Hapon ta conta cu 127 miyon di persona. Sin embargo, den loke tabata e Imperio di Solo Naciente awor embeyecemento ta domina.

E situacion di Colombia ta diferente. Aki ta existi un ekilibrio di edad: tin 15.448.285 persona menor di 18 aña,  31,3% di e poblacion; y 5.752.958 persona riba 60 aña, o sea 11,7%.
Ademas, segun Luis Fernando Mejía, director di e Departamento Nacional di Planificacion (DNP), “entre 2010 y 2016 a registra un reduccion substancial di pobresa, cu a pasa di 37,2% pa  28% di e poblacion, loke ta significa e salida di 4.4 miyon persona di e situacion ey.”

E estadisticonan di DNP ta mustra otro indicacionnan bon. Basa riba un metodologia crea pa Banco Mundial, desde 2015 e institucion aki ta realisa calculo encuanto e clasenan social, cualnan ta mustra cu mientras na 2010 e pobernan y e clase medio tabata, respectivamente,  37,2%  y 24,8% di e poblacion, na 2014 pobresa a keda na 28,5% y e clase medio a crece te 30,5%, un avance di un magnitud cu no a registra nunca ainda den historia.

50 miyon habitante, segun e proyeccionnan di Dane, e pais lo tin exactamente dentro di un aña, diadomingo 21 di october 2018. Pa compara, na 1985 Colombia tabatin 30 miyon habitante. E crecemento grandi aki entre otro ta fruto di menos mortalidad infantil, y di miho expectativa di bida di esunnan di edad halto. Segun Dane, speransa di bida na Colombia na 1974 tabata 62,3 aña. Awe e ta 76,1. Cu na 1902 un Colombiano tabata biba un promedio di 33 aña y cu ya ta yegando na 80 aña, ta un logro gigantesco.

 

You May Also Like

Autobus a mata 34 persona y 15 a keda herida na Haiti

Un autobus cu tabata huy a mata 34 persona y a laga 15 hende herida ...

Otro likidacion na Corsou a laga 4 morto

Un tiramento na Jamaicaweg na Corsou a laga 4 morto. Nan a basha bala ...

Venezuelan-President-Nicolas-Maduro-AFP-800x430.jpg

Presidente Maduro ta nombra cuatro ministro nobo

(lapatilla.com) .- Den su programa Los Domingos Con Maduro, cu Venezolana de Televisión ta ...

Colombia: Desmantela na Florida red di arma clandestino pa gruponan criminal

Autoridadnan federal a captura na sur di Florida tres homber cu nan ta acusa ...

Partido comunista y FARC lo busca un alianza pa eleccion di Colombia 2018

Partido Comunista Colombiano (PCC) y gueriya di FARC, di cual nan miembro lo ta den ...

Mexico: Periodista asesina dilanti di su yiu na su scol

(UnivisionNoticias) – Un periodista Mexicano, Gumaro Pérez, a wordo asesina diamars ultimo mientras e ...