Studiante ta mata dos colega den klas na Goiania – Brasil, pa bullying

Un studiante a tira dos compañero di klas mata, y a herida otro cuatro studiante na Goiania, capital di estado Goiás, Brasil. E crimen a tuma luga diabierna mainta, den un klas di e Colegio Goyases. Banda di e dos victimanan mortal, João Vitor Gomes y João Pedro Calembo, ambos di 13 aña, otro cuatro alumno, di mesun klas, a keda herida. Un di nan por a bay cas diadomingo despues di tratamento na un hospital local. E otro tresnan ainda ta interna.

Bullying

Coronel di Polis Militar Anésio Barbosa da Cruz a informa cu e autor di e crimen tabata victima di bullying di coleganan di klas. El a rebeldia contra esaki, a haya e arma na cas, di su mama cu ta polis,  y a uza esaki pa efectua e tiroteo,” el a declara. Un alumno di 15 aña cu tabata den e klas na momento di e tiroteo, tambe a conta cu e studiante tabata victima di mal chansa di su coleganan.

Yiu di dos polis militar, e adolescente ta cera den un cel separa di un destacamento policial na Goiania, pero mester hib’e un centro di internacion provisorio di  e estado. Riba peticion di Ministerio Publico, diasabra hues Monica Cezar Moreno a dicidi cu e hoben mester ser encarcela pa 45 dia di prizon preventivo, na e Centro di Internacion Preventivo pa adolescente na Goiania. Segun e abogado di e famia di e hoben, Rosângela Magalhães, e mayornan ta teme pa su bida den e centro aki, y ta prefera pa e keda na e delegacia unda a hib’e prome.

“E centro di interaccion di aki no ta sigur, pa motibo di e caso mes, y tambe cu e mayornan ta polis militar, y e tata tabata envolvi cu e siguridad di e batayon di e sistema penitenciario, loke ta trece peligro pa e bida di e hoben.

E dos hobennan cu a perde nan bida den e crimen a haya entiero e dia siguiente mes, diasabra ultimo.

 

You May Also Like

“Dictadura di Maduro ta busca continua den poder na un prijs humanitario hopi halto”

Diamars Presidente di Francia, Emmanuel Macron a califica e regimen di Nicolas Maduro, como ...

Manifestante morto na Caracas cu Guardia Nacional uzando arma di candela

Un manifestante a fayece pa impacto di bala den torax, mientras e tabata den ...

Vice-presidente di Asamblea ta refugia den embahada di Chile

Freddy Guevara, vice-presidente d Asamblea Nacional,  a solicita proteccion den embahada di Chile, despues di menasa ...

Situacion ta grave: “sakeo y tension na isla St. Martin despues di horcan Irma”

E sakeo ta un problema grave na St. Maarten, specificamente riba e parti Hulandes. ...

Gobierno Peruano ta subsidia reactivacion di agricultura

Ministerio di Agricultura y Riego (Minagri) a autorisa transferencia di 15 miyon sol pa Fondo Agroperú pa ...