Workers walk past boxes to be shipped inside of an Amazon fulfillment center in Robbinsville, New Jersey, U.S., November 27, 2017. REUTERS/Lucas Jackson - RC1B3EC807E0

Comerciante Uni Aruba ta hopi contento cu e logro aki di por a haya oido na nan peticion riba asunto di descuento di factura, pero mester compronde cu no ta bringa pa comercio so esaki ta pa henter pais Aruba.

Si pueblo tin menos placa den nan saco, comercio tambe ta haya menos cual ta haci esaki un logro pa henter pueblo di Aruba pasobra lo resta mas placa pagando menos na invoerrechten.

Sr. Frans Ponson presidente di Comerciante Uni Aruba, a trece dilanti diahuebs mainta durante un rueda di prensa den cuadro cu e preocupacion cu a wordo treci dilanti riba factura di Douane. Esaki manera nos a publica anteriormente, ta trata ora di cumpra algo cu bo tin un descuento riba dje, Douane no tabata accepta e descuento aki. Esaki a bin na atencion di CUA cu e ta pasando masha hopi mes anto e preocupacion a wordo treci dilanti na gobierno.

“Nos a haya oido, nos a sinta cu e grupo y director di Douane, hunto cu e team di comerciante uni,” sr. Ponson ta splica, agregando cu ‘mi tin di bisa cu e reunion a bay hopi bon y nan a trece nan punto pa kico no tabata accept’e pasobra e leynan ta eigenlijk anticua.’ Douane a bay bek sinta cu nan grupo despues di e reunionnan y sali dilanti bisa cu desde aworaki e ta wordo accepta.

Mescos Comerciante Uni Aruba ta sali papia riba conan cu no ta di acuerdo cu ne, aworaki nan kier a subraya di ta contento cu a haya oido y cu gobierno/douane a sali dilanti bisa cu lo accepta descuento. E comerciantenan kier trece dilanti cu si abo so ta haya un descuento, e no ta valido, pero riba Amazon, Ebay, of cualkier plataforma di internet cu tur hende ta haya descuento si, y si bo por mustra bo credit card cu ta esey bo a paga, Douane aworaki ta accepta e descuento aki. Comerciante Uni Aruba kier duna danki na gobierno cu a duna nan oido, y tambe na Douane ta mustra di ta comienso di un miho relacion entre Comerciantenan Uni y Douane tambe. “Comerciante Uni no tin color politico. Mescos cu gobierno haci bon nos ta bay bisa esey cu cualkier gobierno, pasobra nos ta aki pa e pueblo y comerciantenan pa nos bringa pa e pueblo en general.”

LEAVE A REPLY

Please enter your comment!
Please enter your name here