E comite di crisis di gobierno a reuni dialuna atardi pa dicidi si mester di medidanan adicional pa purba di stop e plamamento di e coranavirus na Hulanda. E presion a aumenta durante fin siman pa tuma medidanan mas stricto, despues cu miles di persona a acudi de un masa grandi na parkenan y lama debi na e solo y algun yamando pa un lockdown.

Diadomingo alcaldenan local a cera e careteranan den un esfuerso pa stop e personanan cu ta bayendo lama, ya cu e number di morto Hulandes pa e coronavirus a aumenta cu 43. Lo tin un conferencia di prensa despues di e reunion, pero expertonan a bisa cu te cu awo no tin ningun indicacion grandi, nan ta planeando pasonan nobo. Sinembargo e ekiponan regional di seguridad tambe a reuni dialuna pa discuti tocante e posible introduccion di medidanan local pa evita cu e personanan ta reuni den grupo, manera a sucede diasabra.

Alcalde di Rotterdam Ahmed Aboutaleb, a bisa Nieuwsuur cu e kier mas poder di gobierno central pa asegura cu nan sigui medidanan vigente. Un di e opcionnan lo ta pa prohibi reunionnan di mas cu dos persona, manera a sucede na Alemania. “ Esaki lo ta un paso teribel, pero si nan no sigui e medidanan actual, e ora ey esaki por ta riba mesa”, Aboutaleb a bisa.

“ E mensahe cu a ricibi di polis, otro funcionarionan y guardianan riba caya ta cu tin hende ta keda cas, pero no den e medida cu ami kier. Y e ta kere cu esaki ta preocupante”, el a bisa. “ Ta existi un serie di despreocupacion, particularmente entre hobennan, cu ta practica deporte den grupo. . Esaki ta un comportamento di descuido y indisciplina”

LEAVE A REPLY

Please enter your comment!
Please enter your name here