Hotelnan na e ciudad Cubano Matanzas lo mantene nan porta habri mientras nan ta propone elabora oferta gastronomico “take away”, mirando e situacion cu a surgi cu un perdida grandi di e fluho turistico normal, producto di e crisis di coronavirus.

En particular e compleho di hotel Velasco y Louvre, situa den centro historico di e ciudad, por inclui benta di “alimento elabora cu e debido requerimento sanitario, otro sin ser cushina, tambe bebida manera juice y refresco,” segun un nota di e agencia di noticia gubernamental ACN.

Lianny de la Rosa Betancourt, directora di e compleho, a splica cu Velasco y Louvre lo keda habri cu prijsnan modera pa acomoda persona cu mester yega na e ciudad talvez pa motibonan familiar.

Actualmente e planta hotelero di 32 camber tin 20% di ocupacion, principalmente cu Italiano y Frances como huesped cu lo mester bolbe na nan pais, e directora a splica.

Den sector di turismo autoridadnan Cubano a ordena medida pa enfrenta e pandemia di COVID-19 manera saluda otro desde distancia, desinfecta superficie di contacto frecuente y usa handschoen den area di servicio manera bar y cushina.

Dialuna pasa ministerio di Salud Publico (MINSAP) di Cuba a comunica un aumento di cinco caso positivo di contagio na e pais, loke ta eleva e cifra total na 40, mientras cu e cantidad di persona hospitalisa a subi te 1.036.

Gobierno Cubano a dicidi cera frontera desde awe, diamars 24 di maart, un medida cu no ta permiti mas entrada na e pais di biahero stranhero.

Sin embargo, huzga pa presencia di hende den espacionan publico, e Cubanonan mes no ta parce di ta comprende e magnitud di e riesgo cu nan ta core, y ta continua riba caya na gran cantidad, especialmente den fin di siman.

LEAVE A REPLY

Please enter your comment!
Please enter your name here