Compania aereo Dominicano lo cuminsa bula entre Aruba y Riohacha otro luna

Ya caba tur permiso ta cla caba cerca nos autoridad  local di departamento di Aviacion Civil. Mientras cu na Colombia e proceso aki ta canando positivamente y e ta biniendo cla, asina un fuente envolvi den e proyecto aki a declara na Bon Dia Aruba.

Aworaki e compania aereo di Republica Dominicana cu ta bay opera e ruta aki  ta trahando pa asina establece su oficina den aeropuerto na Riohacha. E ciudad aki a modernisa su aeropuerto pa brinda un  miho servicio y sigur e opcion di haya un vuelo internacional lo yuda nan.

Ademas otro compania lo cuminsa ofrece vuelo pa fin di luna awor for di Maracaibo pa Riohacha, locual ta haci un nan ta bira cu e aeropuerto Almirante Padilla lo bira brug pa asina facilita e conexion tambe cu Aruba y te hasta cu Republica Dominicana. Te hasta ta wordo premira cu e ruta aki lo facilita pa Riohacha bira un reemplaso y bon opcion pa e turistanan local cu tabata biaha pa Punto Fijo, mirando e situacion caotico cu Venezuela ta pasando aden

Ya caba den pasado e ex compania local Tiara Air a yega di bula pa e ciudad capital di Guajira Colombiano. Tin algun representante di nan cu lo ta interesa di bira representante di e compania nobo cu lo cuminsa bula eventualmente dia 19 di september awor. Ainda nan ta trahando riba aspecto logistico di sistema di reservacion y training nan personal tambe.

Tipo di avion
‘Importante ta cu despues di hopi tempo por fin nos por haya algo’ pa asina crea e conexion aereo entre e destino nan aki, asina e fuente anonimo a bisa nos. E ta un avion tipo Beech 1900 delta cu capacidad pa 19 pasahero. E ta cubri e ruta entre Aruba y Riohacha den 42 minuut.

Mirando cu e compania cu lo ofrece e servicio aki ta uno di Republica Dominicana e itinerario cu nan ta ofrece ta Santo Domingo-Aruba-Riohacha y vice versa. Nan lo cuminsa cu dos vuelo pa siman, esta diabierna y dialuna. Pero nan ta premira cu lo bin cu un tercer vuelo minimo. Ya cu si nan ta evalua e trafico grandi di pasaheronan cu tabatin cu Tiara Air cu tabata un avion un tiki mas grandi, logicamente e panorama ta mustra cu lo tin espacio pa mas vuelo mirando cu e avion ta mas chikito.

Den pasado a wordo presenta algun obstaculo pa facilita e conexion aereo entre Aruba y Guajira, pero actualmente e realidad ta otro. Cu gobernador di Guajira Weilder Guerra ta un persona bon amigo di Aruba cu a percura pa fortalece e lasonan familiar, cultural y comercial bilateral.

You May Also Like

A2 update zika (NP) (1).jpg

500 mil florin pa accion contra sangura

500 mil florin a wordo aproba pa accion contra sangura cu ta transmiti Zika. ...

situacion referendum aruparking Br.JPG

Trahadonan di Aruparking lo participa na referendum atrobe

Debi na un fayo tecnico e trahadonan di Aruparking lo bolbe participa na un ...

6oct tram y metanan nobo (2).jpg

Minister di turismo lo reuni pa tram no bira djis un vehiculo pa keiro

ORANJESTAD – Segun minister Otmar Oduber, e inversion cu a wordo haci den e ...

EdM Lama Bruto (14).JPG

Ta importante pa naturalesa por haci su trabou sin intervencion di hende

E efectonan di e tormenta tropical Matthew cu a pasa cerca di nos costa ...

stelling 2.png

​95% di Aruba ta opina cu tin mucho persona di afo ta biba riba e isla

Entre 14 di september y 1 di december 2015 KITLV a conduci un investigacion ...

cancelacion pa motibo di Zika

Pareha Mericano miedo di Zika, a cancela trip Aruba riba conseho di dokter

Un pareha bibando na Philadelphia a cancela nan trip pa Aruba pa motibo di ...