Diasabra atardi, cuminsando for di 4or, e comunidad Rubiano a gosa di un otro evento di Ban Caya! na San Nicolas.
Organisa riba caminda dilanti YMCA y Joe Laveist Sport Park, e evento a inclui un variedad di actividad pa ambos mucha y adulto. Muchanan por a tene nan mes activo y entretene cu dino jump, futbol, basketball, careda di hot wheels, volley ball y hasta rolschaatsen y skateboarding, mientras cu e adultonan por a disfruta di e varios balienan di cuminda, bebida, musica y presentacion di baile, como tambe haya mas informacion for di diferente fundacion y clubnan cu tambe a presenta pa sigui promove nan arte y causa.
