E proteina ta un parti esencial di un dieta saludabel y no consumi e suficiente por causa problemanan serio di salud. Esaki ta loke bo mester sa tocante e signonan y sintomanan di e deficiencianan di proteinanan y cuanto proteina mester tuma cada dia.
Kico proteina ta haci?
E proteina ta un macronutriente compleho cu ta wordo haya den cierto alimentonan, con e productonan di origen animal y e legumbrenan. Den un forma mas basico, un proteina ta un cadena di aminoacido cu ta crea e componentenan basico di e partinan fisico di bo curpa, incluyendo e musculonan di e wesonan, e cuero, cabey, huñanan y organonan.
E deficiencia di proteinanan, tambe yama hipoproteinemia, generalmente e ta relaciona cu un ingesto baho di proteinanan, en general. E afeccion afecta aproximadamente mil miyon di personanan den tur mundo, pero e ta poco comun den Merca. En general, e Mericanonan ta come e cantidad di proteina necesariamente recomenda.
Sin embargo, e deficiencia di proteinanan e ta mas frecuente den e hendenan mayor di 70 aña, segun un estudio di 2019. Esaki ta debe na cu e hendenan mayor ta come menos, loke por provoca deficiencianan nutricional, ta bisa Stacie Stephenson, specialista certifica den nutricion y miembro di e hunta di e Asociacion Mericano di Nutricion.
Signonan y sintomanan di deficiencianan di proteinanan
E deficiencia di proteinanan por causa un variedad di sintomanan, cu por varia segun e gravedad di e deficiencia, ta bisa Stephenson.
Den casonan leve di deficiencia di proteinanan, algun por experimenta :
Un mayor apetito door di e proteinanan a medida cu e curpa ta intenta stimula e ingesto di proteinanan
Debilidad
Fatiga
E signonan di un caso moderno di deficiencianan di proteinanan ta inclui :
Perdida di masa muscular, tambe conoci manera atrofia muscular
Cabey ta bira mas fini of ta cay
Huñanan ta kibra of bira mas debil
Cuero ta seca
E deficiencia severo di proteinanan por causa problemanan serio di salud manera :
Hinchason den stoma
Insuficiencia hepatico
Bo cuero ta habri
Retraso den desaroyo di crecemento
Wesonan ta debilita y bira flaco
Causanan di e deficiencia di proteinanan
E deficiencia di proteinanan ta asocia mas comunente cu e desnutricion y un ingesto inadecua di proteinanan, Stephenson ta bisa. un deficiencia di proteinanan tambe por ta relaciona cu un condicion di salud, manera enfermedad celiaca of Crohn, cu por interferi c e absorcion di nutrientenan.
E cantidad di proteinanan cu mester ta depende di bo salud, edad y nivel di actividad. E cantidad diario recomenda ta un minimo di 0.36 gram pa libra di peso corporal, es decir, 54 gram di proteina pa dia pa un hende cu ta pisa 150 libra.
Algun personanan, manera atletanan por tin mester di mas proteinanan, Stephenson ta bisa. un dietista registra por yuda bo determina e cantidad di proteinanan cu mester segun bo estilo di bida y bo historial medico uniconan.
Segun Stephenson, e personanan cu mayor riesgo di deficiencia di proteinanan ta inclui :
Adultonan mayor di 70 aña
Vegetarianonan y vegan, ya cu e productonan animal ta fuentenan rico den proteinanan.
Sin embargo, e personanan cu no ta consumi productonan animal aun por obtene e suficiente proteina di fuentenan vegetal. Un estudio comparativo di 2013 di e perfilnan di nutrientenan di e vegetarianonan y e carnivoronan a haya cu esunnan cu ta come berdura ta obtene hopi proteina di e alimentonan vegetal como lenteja/bonchinan. Den e estudio ey, e vegetarianonan a obtene tanto proteina cu e esunnan semi-vegetariano of vegetarianonan cu ta come webo y productonan lactose.
“Semper cu ta obteniendo conscientemente suficiente proteina di fuentenan vegetal, no lo core un riesgo di deficiencia di proteina” Stephenson ta bisa.
Diagnostico y tratamento di e deficiencia di proteinanan
Si ta nota signonan di un deficiencia di proteinanan, manera fatiga inexplicabel of cambionan den e cabey, cuero y huñanan, mester consulta na un medico cu ta realisa pruebanan di proteinanan plasmatico pa confirma e deficiencianan di proteina y descarta otro causanan.
E deficiencianan di proteinanan generalmente ta trata aumentando e ingesto diario di proteinanan, si e causa relacion cu un ingesto deficiente of tratando di un trastorno subyacente. E adulto sano promedio generalmente por consumi hasta 2 gram/kilogram di proteina pa dia.
Si tin un deficiencia di proteinanan, bo medico por recomenda aumenta e ingesto di alimentonan cu ta contene proteinanan manera :
Pindanan y simianan manera almendranan, pistacho y simia di lino
Legumbrenan, manera lenteha of bonchi
Webonan
Cuminda di lama manera, pisca of cabaron
Granonan integral manera quinoa
Avenan di granja manera, galiña of calacuna
Productonan lactos, manera Greek yoghurt
Pa hiba manera informacion privilegia
E deficiencia di proteinanan ta poco comun. Pero e personanan mayor di 70 aña y esunnan cu no ta come productonan animal tin un mayor riesgo di ingesto baho den proteinanan. E signonan di deficiencia di proteinanan ta inclui perdida di cabey, huñanan ta kibra, debilidad y fatiga. E mayoria di e personanan mester al menos 0,36 gram di proteina pa libra pa dia, pero esaki por varia segun e persona, asina ta cu papia cu bo medico tocante e cantidad di proteina cu mester.
