(AP) – Hendenan tabatin tempo caba bayendo cerca Ziggy Marley y su famia durante ananan cu ideanan di con pa converti icono di e genero reggae Bob Marley su bida den un pelicula pero esaki nunca a sinti corecto, te algun ana atras ora cu nan a dicidi cu nan mes lo instiga esaki.
“E tabata un sentimento,” Ziggy Marley a expresa tocante trece su tata su bida na pantayanan den un entrevista recien. “Nos a explora esaki sin sa cu e ta algo cu definitivamente nos kier a haci pa motibo cu nos kier a sigura cu e personanan cu ken nos lo haci esaki tabata e hendenan corecto. Hende cu ta respeta loke nos kier haci, e cultura y e autenticidad cu nos tabata kier.”
E biaha aki, el a conta, nan a haya e partnernan corecto. Pero e tabata un riesgo pa tur hende; Pa Paramount Pictures y e otro productornan, kendenan kier honra e memoria di Bob Marley y su mensahe cu preocupacion tocante ki lo pasa si nan no logra haci esaki; Pa Kingsley Ben-Adir bistiendo e sapatonan di un icono; Pa e famia y e amistadnan kendenan mester a mina nan memorianan pa e pelicula su storia intimo y pa un director, Reinaldo Marucs Green, ken mester a trece tur esaki hunto.
Senalnan di comienso ta sugeri cu el a funciona. Bob Marley: One Love tin solamente algun dia desde cu el a ser lansa sinembargo ya caba ta creando olanan na cinemanan. Den su prome dia so el a genera 14 miyon dollar den Norte America, un record pa un debut den e siman cu Valentines Day. Desde diadomingo, e pelicula a genera 80 miyon dollar globalmente. Aunk e criticanan y comentarionan ta mescla, e cumpradornan di entrada a responde cu entusiasmo dunando e pelicula un puntacion exitoso den encuestanan.
“E ta un premio di loke nos kie ra haci,” Mike Ireland, co-president di Paramount Motion Picture Group a comenta. “E audiencia ta e hues ultimo di tur pelicula y di tur loke bo crea pa lansa den mundo. Pa nan responde di e manera aki ta fantastico.”
E pelicula ta enfoca riba un periodo specifico di Bob Marley us bida, for di ana 1976 te ana 1978. Durante e tempo aki di problemanan politico na Jamaica, e leyenda di reggae a sobrevivi un intento di asesinato, a produci su album seminal “Exodus” den un exilio di 18 luna na London, a ser diagnostica cu cancer y a bolbe back Jamaica pa reuni cu su famia y crea e famoso concierto “One Love.”
E storia y guion a ser crea cu storianan di Ziggy Marley y e leyenda su viuda, Rita Marley, kende a ser interpreta den e pelicula pa Lashana Lunch y otronan cu a conoce e difunto leyenda tambe. Nan a graba na Reino Uni y Jamaica, unda nan a traha cu localnan tanto dilanti y detras di camara, unda cu varios tabatin lasonan sea personal of via-via cu Bob Marley.
