Pa medio di un comunicado di prensa, e fraccion di AVP a informa cu nan no lo participa den e debate electoral di millennials diahuebs anochi. Nan ta bisa cu e Organisacion ‘Encuentro Politico Constructivo’ a nenga participacion di mr. Gerlien Croes na e debate di y pa Millennials di diahuebs anochi. Un iniciativa cu e partido berde a haya un bon iniciativa y tabata hopi entusiasma pa su candidatonan millennial por defende e partido su vision y trabou.
E partido a propone pa mr. Gerlien Croes participa den e debate electoral organisa pa informa e asina yama grupo di ‘millennials’ cu un di nan candidato millennial cu ta parti di e team di AVP. Lamentablemente segun AVP, e organisacion a nenga participacion di mr. Croes y a exigi pa lider di partido ta esun cu mester participa. Y si nota asina AVP lo ‘no ta welkom’ pa ta participe na e debate.
Den seno di partido a discuti e punto importante aki e siman cu a pasa y a tuma e desicion di hala atras e ora pasobra partido ta di opinion cu mr. Gerlien Croes y cada candidato riba lista di AVP ta igualmente capabel, pa splica y defende e vision di partido AVP na cualkier momento y riba cualkier plataforma.
