Construccion di mas mall ta menasa comerciantenan Caya Grandi

CAYA GRANDI PLAYA11.JPG

Ex presidente di Camara di Comercio di Aruba y presidente di e comision encarga cu Caya Grandi, Omar Tromp a bisa cu e area comercial aki ta pasando den un di su “mal momento” aworaki.

Pero e ta haya cu e ta un problematica cu ta tumando luga pa un par di aña  caba debi na e conhugacion di diferente factornan. “No ta di awor e ta asina.” Sinembargo el a señala cu actualmente e construccion di mas shopping mall ta birando un menasa pa e comerciantenan di Caya Grandi. E ta haya cu a yega momento pa defini kico ta  Caya Grandi ya sea e caya principal so of  si tambe e bisindarionan  ta forma parti di dje. “E mallnan cu  ta lanta pafo di caya of di Oranjestad, ta birando un problema.”

Nan ta mallnan cu hasta a wordo construi nan ta bashi, specialmente den e zona di e hotelnan. Tromp a bin cu e reflexion si berdaderamente nos pais tin e mercado cu por sostene tanto mall asina.  E ta kere cu un ley di zonificacion unda ta wordo determina unda si of unda no mester bin cu mas mall. “Pero tin cu wordo haci algo pasobra e mercado mes lo tuma su desaroyo, y hopi di e mall akinan  lo por ta hasta cera.”

Sinembargo e ultimo tempo e introduccion di Aruparking tin un influencia riba e area di Caya Grandi, ya cu e implementacion di esaki no a bay den un bon manera.  Pero e situacion tin diferente nivel te hasta ora cu gobierno a bin cu un proyecto pa embeyece e area aki den centro di ciudad cu a tarda hopi pa bin cla, el a laga sa. Pero sr. Tromp a reitera cu no ta un Aruparking so sino diferente factor cu a hunga un rol no faborabel pa e actividad comercial den caya grandi y bisindario.

 

You May Also Like

directora ata reto europa.jpg

Situacion na Turkia y Egipto ta clave pa Aruba su mercado por crece na Europa

Un factor cu ta un posibilidad clave pa nos turismo, tin di haber cu ...

Nomber di Aruba circulando den noticia internacional pa motibo di cocaina

Pa mas cu un siman caba Aruba su nomber ta riba diferente medionan di ...

Minister Dangui Oduber: ‘Oficina di Turismo San Nicolas ta habri otro siman’

ORANJESTAD – Ayera durante un conferencia di prensa ministro di Turismo, Salud y Deporte ...

road closed.jpg

Atencion: parti di crusada di Mahuma cera entrante mayan

Departamento di Obra Publico ta trece na conocemento di pueblo en general, automobilistanan y ...

23aug, JO, Reunion (4).JPG

Ministernan mester di mas tempo pa trata contestanan di amienda Codigo Civil

A vota pa mira si ta bin cu un posponemento pa contesta e preguntanan ...

Actividadnan di ‘Siman Cultural’ relaciona cu 18 di maart

Lista di actividadnan relaciona cu nos dia nacional di Himno y Bandera di Comision ...