(TMZ) – Khloe Kardashian ta alega cu un constructor poco confiabel a horta e actanan di e dos mansion nan cu su persona y su mama Kris Kardashian tabata construyendo.
Khloe y su mama Kris Kardashian a dicidi di cumpra un tereno bastante amplio cual tabata pa un solo propiedad, pero a tuma e decision di construi dos mansion banda di otro pa nan biba hunto riba e tereno aki ubica den un area exclusivo di Calabasas. Pa e construccion aki nan a tuma e decision di contrata un constructor pa encarga di e proyecto y a paga e persona aki pa cuminsa cu e construccion.
Khloe a haci e revelacion riba un episodio recien di nan programa di television “Keeping Up With The Kardashians” bisando cu e y su mama Kris no tin cas aworaki pa motibo cu e constructor cu nan a contrata y despues a core for di trabou, a bay cu e actanan di e casnan y cu nan placa.
E problema a cuminsa ora cu segun Khloe el a manda haci un investigacion contra e constructor aki, a resulta cu e tabata un constructor poco confiabel y Khloe a informa esaki na Kris, ken a dicidi di toch contrata e constructor aki y encarga e persona aki cu e construccion di e cas nan.
E decision aki ta no cu a pone Kris arepenti hopi lihe, mirando cu Khloe a conta cu e constructor aki tin e acta nan di e dos mansion nan cu Kris y Khloe tabata construyendo, pero tambe a bay cu nan placa ya cu e construccion mester a stop pa motibo cu nan no tin permiso pa construi ainda y e constructor no a debolbe Khloe y Kris nan placa bek.
Den e episodio bo por mira con Kris ta furioso y ta contacta su ekipo legal pa asina por tuma medida legal contra di e constructor aki, pero e no lo keda te eynan. Kris tin planes di sigura su mes cu e constructor aki no por bolbe estafa ningun otro persona mas y Khloe ta segunda e plan nan aki bisando cu nan lo demanda e constructor y haci cu tur hende sa cu su negoshi no ta uno confiabel.
