Ayera mainta Central di Polis a ricibi notificacion di un caso di hincamento cu a tuma luga den Mampurituweg.
Mesora a dirigi un unidad na e sitio y na su yegada riba e crusada Mampurituweg/ Kaya Juan A. Lesire, el a topa cu un homber drumi abou cu no tabata duna señal di bida. Ambulance cu a presenta na e sitio no por a haci nada mas pa e victima. For di investigacion cu Polis a realisa na e sitio a resulta cu tabatin un accidente entre dos vehiculo y despues di un confrontacion cu a surgi entre chauffeur di un di e autonan y un persona den e otro auto, un di nan a hinca e otro cu un obheto skerpi na e parti ariba di su pecho robes y tambe den lomba.
Despues di su acto e sospechoso a bay for di e sitio den e vehiculo cu e tabata core. Alrededor di 09.00’or dokter di Polis a constata morto di e homber Roberto Jose Cathalina, naci na Colombia dia 25 di juni 1982.
Riba ordo di Fiscal di Ministerio Publico a confisca e curpa sin bida pa mas investigacion. Mas laat a bin haya e auto di e homber sospechoso den caya Djogodó.
