Un manifestacion contra legalisacion di matrimonio homosexual na Corsou a tuma luga, organisa pa Fundacion Ban Halsa e Tandarte, Asosashon Pastornan Kristian, y tambe Fundashon Proteha Famia diabierna ultimo.

Entre 800 pa 1,000 persona a presenta na e protesta, cu a cuminsa cu un marcha for di Waaigat na Plaza Wilhelmina, unda varios lider religioso a hiba palabra. Varios miembro di Parlamento, tanto di partido di coalicion como di oposicion, tambe tabata presente.

E manifestantenan a entrega un lista cu e siguiente cinco preocupacion:
1- Cu gobierno lo adopta ‘Comprehensive Sexual Education’ (CSE) di Nacionnan Uni. Esaki lo tin como consecuencia cu muchanan di edad 8 aña bay ariba lo keda instrui con pa practica, entre otro, sexo oral, masturbacion, sexo homosexual y heterosexual, y tambe beneficionan di sterilisacion y aborto.

2- Cu Ideologia di Genero, cu ta trece confusion sexual y mental enorme den mucha y hobennan, particularmente esunnan den edad di pubertad, cu ta pasando den e fase di desaroyo di nan identidad.

3- Cu fuente di entrada, ora LGBT ricibi reconocemento y matrimonio homosexual keda acepta como normal den nos comunidad, cierto negoshi y trahadonan cu nenga di ehecuta trabounan relaciona cu matrimonio homosexual, manera dorna bolo, print t-shirt, etc, lo por ribici boet of hasta perde nan trabou pa motibo di wordo considera discriminacion.

4- Cu desaroyo economico. Prosperidad ta mara na moralidad, famianan fuerte, cantidad di matrimonio exitoso cu yiunan ta depende di dje, habilidad general di dominio propio y principionan di etica. Nos ti basta problema caba cu sex, malesa venerico, embaraso no desea, aborto y divorcio. Segun investigacion, relacion homosexual ta causa 40 biaha mas casonan di HIV cu heterosexual. Na Corsou, e remedi ta costa alrededor di 30 miyon pa aña.

5- Cu ‘homo promo’. Con nos lo por bringa promocion di actonan homosexual y transgender si e ta legal? Gran mayoria di mayor no kier ‘homo promo’ pa nan yiunan, pero nan lo ricibi sosten di gobierno pa para contra esaki?

6- Cu libertad di expresion. Tweede Kamer a pasa un mocion cu ta bisa cu ‘homogenezing wordt strafbar’. Ya caba nan a saca yudansa psicologico for di pakete di salubridad na Hulanda, pasobra nan a establece caba cu bo no por cambia bo atraccion sexual. Pero tin miles di homosexual a cambia pa heterosexual bek? Esunnan cu a ricibi yudansa no tabatin derecho di busca e yudansa ey? Y de futuro, con lo ta aki na Corsou, ora cu un persona kier busca e yudansa aki?

Esey ta e lista cu e manifestantenan a presenta.

 

LEAVE A REPLY

Please enter your comment!
Please enter your name here