Miembronan di Parlamento, tanto di e coalicion como di oposicion, ta mirando cu wowonan critico riba e proyecto di ley pa haci posibel y regla e produccion y crecemento di cannabis medicinal.

Di ambos banda por mira cu ta critica e concepto di ley riba su falta di claridad, mencionando primordialmente cu falta un estudio economico unda ta indica con realistico e ta pa haci Cannabis medicinal un pilar economico. Asina a bin na cla durante un reunion di e comision central di Parlamento riba e concepto di ley pa cambia e Opiumlandsverordening, of Landsverordening productie medicinale cannabis.

Miembro di parlamento den fraccion di PAR, Ana-Maria Pauletta, a bisa cu Conseho Consultativo (Raad van Advies, RvA), a pidi pa un investigacion pa determina concretamente cua beneficionan tin pa crece cannabis medicinal na Corsou. “Den e Memorie van Toelichting ta simplemente haci un mencion cu e ta lucrativo den otro paisnan. Pero con esaki ta hinca den otro na Corsou? E ganashi ta keda inverti bek riba e isla of nos por premira cu e placa ta bay cu multinationals mescos a pasa cu online gaming?”.

Miembro di fraccion di MFK, Charles Cooper, ta haya e proyecto di ley aki inapropia y di mal calidad, ‘sin menciona con no sigui cu conseho di RvA ta un falta di respet’. “Bo ta tira cualkier cos na laira, bisando cu bo t’ey bin cu 400 pa 500 trabou nobo, pero riba kico esaki ta basa?”.

Un di e preguntanan central di e critica ta e falta di claridad riba con gobierno ta bay controla efectivamente e plantacionnan, pa preveni cu esaki cay den e esfera criminal di marihuana y di otro soft drugs. Pa duna permiso, determina prijs y maneho di terenonan pa cultiva cannabis, lo bay lanta Bureau Medicinale Cannabios Curaçao (BMCC).

 

LEAVE A REPLY

Please enter your comment!
Please enter your name here