Algun siman atras Manuel Quevedo, kende ta Minister encarga cu PDVSA, tabata di bishita na Corsou y el a trece noticia cu e luna aki e prome barconan cu crudo lo bini for di Venezuela.

Mester bisa si cu ta for di 2018 e prome delegacion di APRI y PWFC a bay Venezuela, biniendo abou cu e noticia cu PDVSA ta sigui interesa den lasonan cu paisnan di Caribe pa locual ta trata e negoshi di crudo. Nos ta na 9 di augustus y ainda nos no a ricibi e prome barconan.

Earl Balborda kende ta PR di Refineria Isla, relaciona cu e echo cu ainda e prome barconan di crudo no a yega, el a remarca na nos cu RDK tambe a duna di conoce cu 1 di augustus lo a anuncia cua ta e companianan cu ta den contienda pa Refineria Isla. El a reconoce si cu Manuel Quevedo a haci un declaracion publico cu den augustus barconan cu crudo lo yega. El a indica na nos cu, nan como Refineria Isla, ta den contacto estrecho cu PDVSA.

Pa locual ta trata Refineria Isla nan ta cla pa e prome barconan cu crudo drenta. Asina cu e prome barco cu crudo yega den 4 pa 5 nos ta cla pa procesa esaki. Di mes no por uza tur e plantanan pareu, pero nos ta cla si, tabata e palabranan di Earl Balborda. El a pone enfasis bisando cu nan como Refineria Isla ta klad, pero no kier a bay den detaye pa loke ta e combersacionnan tumando luga cu PDVSA.

 

LEAVE A REPLY

Please enter your comment!
Please enter your name here