Gobierno di Aruba, specificamente e ministerio encarga cu maneho di desperdicio riba nos isla, ta cla pa purba atrobe pa yega na un compania cu lo por haci kimamento di desperdicio den cuadro di ‘Waste to Energy’. Esaki despues cu e destaho publico inicial pa un insinerado no a lanta interes.

Den un comunicado, Ministerio di Desaroyo Teritorial, Infrastructura y Medio Ambiente ta indica cu pais Aruba ta preparando y tumando e prome pasonan pa inicia e proceso di “limited tendering”. E limited tendering aki ta pa e aspecto di Solid Waste Treatment Facility (SWTF), cu ta parti di e plan integral transparente y solido pa locual ta maneho di desperdicio na Aruba.

Por informa cu un team extenso di experto local, como tambe internacional renombra ta trahando duro y estrecho cu otro pa percura pa un proceso solido y transparente. Reflexionando riba e vision di pais Aruba, pa locual ta e solucion di maneho di desperdicio. Mester menciona cu, partnernan den region ta mira pais Aruba como ehempel pa e pasonan tuma. Tambe cu hopi satisfaccion por bisa cu a ricibi hopi bon interes pa e proceso di limited tendering.

Di e forma aki, pais Aruba lo keda informa comunidad di cada paso cu lo inicia pa asina yega na e plan integral y solucion duradero y sostenibel pa nos maneho di desperdicio.

 

LEAVE A REPLY

Please enter your comment!
Please enter your name here