Corsou ta registra e di dos asesinato pa 2019

WILLEMSTAD – Ayera durante oranan di mainta polis a haya un curpa di un hende homber na Baya Beach. Ta trata di un asesinato. E prome informacion for di e sitio ta cu e homber ta mustra maltrata y e ta tur na sanger. A corta e parti intimo di e victima afo y tabata tin varios hinca y corta di cuchiu na diferente parti di e curpa.

Banda di polis y recherche tabata tin brandweer, dokter di polis, patologo y hopi otro funcionario mas. Ta awor e investigacion a cuminsa, sinembargo e vocero policial a indica cu no por bisa si ta trata di un hende local of stranhero. Vocero di polis Zwerwer, a bisa tambe cu tin indicacion fuerte cu probablemente e acto no a tuma luga na e sitio unda a haya e homber, pero cu desconocinan a bay benta e curpa sin bida den un buraco na Baya.

Testigonan a mira un auto for di oranan di marduga ta core rond den e area aki y a mira e auto bay den direccion na unda a bin haya e curpa sin bida

You May Also Like

Militar ta haya trabaonan clave den gabinete Zimbabwe

Presidente nobo di Zimbabwe Emmerson Mnangagwa a nombra su gabinete, apuntando militarnan den e ...

_92944026_036594889-1.jpg

Cuba ta firma trato cu Google pa miho coneccion di internet

Compania di telecomunicacion na Cuba ‘Etecsa’ a caba di firma un trato cu Google ...

980309d3cd4b748287ec0f162d8dd5789d0e75886adebbb5686ae4becd2b22c2_3769878.jpg

A detene un otro mucha cargando un bom na Iraq

Polis a kita un faha di explosivo for di un mucha na Iraq. Imagennan ...

Indonesia a renombra parti di lama di Sur di China

Indonesia a renombra e teritorio di e pais su zona economico exclusivo den e ...