Brasil: Cinco aresto den caso di dam kibra

Al menos cinco persona a ser aresta ayera pa autoridadnan Brasileño, acusa di a altera e documentonan tecnico di certificacion di e siguridad di e dam, cu a causa un tragedia na Brasil, cu ya a yega na 65 morto y 279 persona desapareci, segun fuentenan oficial.

Di acuerdo cu e autoridadnan, dos di nan deteni na Sao Paulo, e ciudad mas grandi di Brasil, ta ingeniero cu no tabata traha directamente cu e compania minero Vale, sino cu otro empresa a contra nan servicio.
E otro tres sospechosonan encarcela si ta empleado directo di Vale y a captura nan na ciudad di Belo Horizonte, capital di estado Minas Gerais.

A captura e sospechosonan ta di manera temporal, pa un espacio di 30 dia, mientras autoridadnan ta corobora e acusacionnan e sospechonan di fraude den e informenan di siguridad. Ademas di e ordennan di captura, emiti pa husticia regional di Minas Gerais, autoridadnan a informa di shete entrada hudicial den empresanan contrata pa Vale y den residencia di persona vincula cu e compania minero.

E obhetivo di e investigadonan ta busca e documentacion tecnico di e empresanan contrata, cu a certifica e siguridad di e dam cu a kibra, pa controla si a altera nan.

You May Also Like

Hombernan arma a kima 17 bus na Brasil

Como 17 bus a resulta kima pa hombernan arma, durante diaranson anochi y diahuebs ...

Inicio di dialogo entre gobierno y oposicion Venezolano na Republica Dominicana

(ElNacional) – E oposicion Venezolano a acudi ayera na e prome dia di negociacion ...

Colombia a denuncia relacion di website Mexicano cu reto di “bayena blauw “

Poblacion di Colombia a raporta tres hende cu a mata nan mes y cu ...

Venezuela topico principal den asamblea di Nacionnan Uni

E situacion critico na Venezuela ta e topico principal den asamblea general di Organisacion ...

Brasil ta investiga empresa cu a laba miyones di dollar cu a bin di Venezuela

Polis federal di Brasil a implementa un operacion contra un organisacion cu a purba ...