Awe mainta corte a trata dos caso di asesinato cu a conmove comunidad. Un di nan ta di e hoben Ryson Paskel, kende a asesina Camilo Carreño Sosa y e otro ta di Alexander Ras, kende a asesina Juraima Wouters.
Caso Camilo Carreño Sosa
E caso di asesinato di e hoben Carreño Sosa a tuma luga riba diadomingo 2 di september 2018.
Un discusion cu lo a start entre e dos hobennan referente un auto, a escala dado momento y a termina na un hincamento fatal. E caso aki a pasa en area di Sand Bar, den cercania di e restaurantnan.
Caso Juraima Wouters
Riba 7 di november 2018 a tuma luga un caso severo di maltrato. Despues cu a inicia un discusion entre e pareha, e homber Alexander Ras di forma violento a bati e victima y tambe a hinke varios biaha na su pecho.
Pa motibo di e slanan y heridanan ricibi, e dama no a sobrebi e atake. E caso aki a tuma luga den cercania di ex Kooyman na Dakota.
