(NLTimes) – Un studiante na Fons Vitae Lyceum na Amsterdam no lo pasa pa segundo aña di HAVO, despues di un decision di Corte den un caso presenta pa su mama. E mama a argumenta cu scol no a duna su yiu suficiente sosten, pero Corte no a duna e motibo.
Segun scol, resultado academico di e studiante durante aña escolar anterior no tabata suficiente bon pa e pasa pa siguiente aña.
E studiante a ser obliga pa muda pa otro scol, pasobra Fons Vitae no ta ofrece trayecto di VMBO.
E mama no tabata di acuerdo cu e resultado y a busca intervencion legal. El a argumenta cu Hulandes no ta idioma materno di su yiu, pasobra na cas e ta papia Ingles. El a bisa tambe cu su yiu a pasa den un aña psicologicamente hopi dificil, loke a afecta su rendimento.
Ora maestronan a evalua progreso academico di e studiante, nan no a mira solamente na su notanan.
Nan a evalua tambe su velocidad di trabao, con bon el a mustra cu e ta compronde e material y su capacidad pa capta informacion nobo.
Hues tambe a conclui cu e studiante a ricibi sosten adecuado pa su dificultadnan cu idioma.
