Recientemente, Bureau Central di Estadistica (CBS) di Aruba a publica e Indice di Prijs di Consumo pa ultimo 12 luna te cu mei. Den esaki a nota cu 9 di 12 sector a registra aumento di prijs.

Indice di Prijs di Consumo

Den e ultimo diesdos (12) luna, e CPI a subi cu 0.1%, unda nuebe (9) di diesdos (12) sector a registra aumento di prijs. E aumentonan cu tabatin e mayor efecto riba e CPI a wordo registra pa e sectornan di “Comunicacion” (3.2%), “Restaurant y hotel” (4.3%), “Mobilario” (1.7%), “Vivienda” (0.4%) y “Restante bienes y servicio” (0.7%) y causando un efecto di respectivamente, 0.28, 0.21, 0.15, 0.09 y 0.08 ppt. E aumentonan den e sectornan restante a contribui cu un efecto di 0.21 ppt riba e CPI di Mei 2024 – Mei 2025.

E aumentonan aki a wordo contraresta parcialmente door di reduccionnan den e indicenan di e sectornan di “Transporte” (-5.2%) y “Recreacion y cultura” (-2.0%), cu a contribui cu un efecto di respectivamente, -0.70 y -0.17 ppt. E aumento den e sector di “Comunicacion” a wordo causa door di un aumento den e categoria “Ekipo di telefon y fax” (90.6%), causando un efecto di 0.28. E aumento den e sector di “Restaurant y hotel” a wordo causa door di aumentonan di 2.3% y 83.1% den e categorianan “Cuminda pafo di cas” y “Servicio di alohamento”, causando un efecto di respectivamente 0.11 y 0.10 ppt. E aumento den e sector di “Mobilario” a wordo causa door di principalmente un aumento di 24.6% den e categoria “Herment y ekipo pa cas y hardin”, causando un efecto di 0.16 ppt. E aumento den e sector di “Vivienda” a wordo causa principalmente door di un aumento den e categoria “Mantencion y reparacion di vivienda” (2.3%), causando

un efecto di 0.13 ppt. E aumento den e sector di “Restante bienes y servicio” a wordo causa door di principalmente un aumento di 6.2% den e categoria “Otro articulonan personal”, causando un efecto di 0.07 ppt. E reduccion den e sector di “Transporte” a wordo causa door di un reduccion den e categoria “Gasto relaciona cu uso di vehiculo di transporte personal” (-9.7%), causando un efecto di -0.84 ppt. E reduccion den e sector di “Recreacion y cultura” a wordo causa principalmente door di un reduccion di 6.6% den e categoria “Vacacion”, causando un efecto di -0.15 ppt.

Canasta di consumo

Den e ultimo aña cu a pasa 46.1% di productonan den e canasta di consumo di e CPI a conoce un aumento di prijs causando un efecto di 2.54 ppt, mientras cu 43.4% ta mustra un reduccion di prijs, cu a contribui cu un efecto di -2.39 ppt y pa e restante 10.5% no tabatin cambio den prijs. E indice di “Bienes” a registra un reduccion di 0.5%, causando un efecto di -0.27 ppt, mientras cu e indice “Servicionan” (1.0%) a registra un aumento, causando un influencia di 0.41 ppt riba e CPI.

Bestaansminimum

Den e ultimo diesdos (12) lunanan e bestaansminimum pa un hogar consistiendo di dos (2) adulto y dos (2) mucha (edad 0-15 aña) a registra un aumento di Afl. 18, di Afl. 5,492 na Mei 2024 pa Afl. 5,510 na Mei 2025. E aumento aki a wordo causa principalmente door di aumentonan den e sector di “Cuminda y bebida no- alcoholico” (Afl. 11) y “Paña y sapato” (Afl. 8).

Cambio di prijs di petroleo, utilidad, gasolin y diesel

E prijs promedio pa bari di petroleo a conoce un reduccion di US$ 18.23 (-22.7%) di US$ 80.31 na Mei 2024 pa US$ 62.08 na Mei 2025. E indice di Energia a baha cu 7.0% den e ultimo aña y a causa un efecto di -1.20 ppt. E indicenan di “Gasolin” (-16.5%) y “Diesel” (-17.6%) a registra reduccionnan, causando un efecto di respectivamente, -0.84 y -0.06 ppt riba e CPI. E indice di “Electricidad” a registra un reduccion di 4.0%, causando un efecto di -0.30 ppt, mientras cu e indice di “Awa” no a registra cambio. E restante 404 bienes y servicio hunto, a conoce un aumento di 1.6% y tabatin hunto un efecto di 1.35 ppt.

Cambio di prijs di Cuminda y servicio di catering

Den e ultimo diesdos (12) lunanan e indice di “Cuminda & servicio di catering” a subi cu 1.0%. E indice di “Cuminda na cas” a conoce un aumento di 0.5%, unda shete (7) di e diesun (11) indicenan di e gruponan di “Cuminda na cas” a subi durante e periodo aki.

E indice di “Batata, yuca y batata dushi” a conoce un aumento di 12.5%, e aumento mas grandi entre e gruponan di “Cuminda na cas”. Ademas, otro aumentonan significante a wordo registra den e indicenan di “Bebida no-alcoholico” (4.1%), “Azeta y otro productonan traha di vet” (3.7%), “Carni” (2.2%) y “Pisca y otro

cuminda di lama” (1.5%). E reduccion mas grandi durante e periodo aki a wordo registra den e indice di “Berdura” (-7.9%). E indice di “Cuminda pafo di cas” a registra un aumento di 2.3% den e ultimo diesdos (12) lunanan. Den e ultimo diesdos (12) lunanan, “Cuminda na cas” y “Cuminda pafo di cas” como grupo, tabatin un aumento di prijs di 1.0% y hunto tabatin un influencia di 0.17 ppt riba e CPI, mientras cu e restante bienes y servicio hunto a experencia un reduccion leve di prijs di 0.03% y tabatin un efecto di -0.02 ppt riba e CPI.