Website di subasta, eBay y proveedo di pago online, Stripe a bisa ayera cu nan ta retirando di Libra Association, e non-profit a cargo di e criptomoneda di Facebook, Libra, marcando asina e retironan mas recien for di e proyecto ambicioso, pero controversial. E salidanan ta yega despues cu PayPal a retira un siman atras.
āNos ta respeta altamente e vision di Libra Association; sinembargo, eBay a tuma e decision di no sigui bay dilanti como miembro fundadoā, un vocero di eBay a bisa den un declaracion riba e-mail. āNos ta enfocando riba lansamento di e experiencia di pago maneha pa eBay pa nos clientenan.ā
Di su banda, Stripe a bisa cu e compania āta duna sosten na proyectonan cu tin como meta pa haci comercio online mas accesibel pa hende rond mundo. Libra tin e potencial akiā.
āNos lo sigui su progreso di cerca y ta keda habri pa traha cu Libra Association na un etapa mas avansa.ā
Visa y MasterCard a anuncia tambe nan retiro ayera, un golpi fatal na e plan di e red social pa un moneda digital mundial.
E retironan, cual a keda reporta anteriormente pa The Financial Times, ta yega entre critica aumentando riba proyecto Libra, cual a keda revela na juni ultimo y inmediatamente a ricibi skepticismo di politiconan, reguladonan y nonprofits. David Marcus, hefe di blockchain di Facebook, a ricibi citacion pa testigua dilanti di Congreso algun siman despues, mientras CEO di Facebook, Mark Zuckerberg ta spera di ricibi preguntanan dificil tocante e proyecto ora e presenta na Capitol Hill e luna aki.
E proyecto tambe a ricibi critica na Europa y India, cu reguladonan kehando cu e detayenan di e criptomoneda no a keda splica completamente.
Libra ta un moneda digital global proponi, cu lo ta maneha pa Libra Association, un autoridad monetario de facto cual Facebook a spera lo tin te hasta 100 socio pa su lansamento otro aƱa. E miembronan tabata spera di core ānodesā pa yuda facilita transaccionnan riba e red di Libra, y duna $10 miyon pa impulsa Libra. Algun di e miembronan inicial a inclui Uber, Coinbase, Lyft and Spotify.
Awo miembronan a cuminsa haya duda tocante nan participacion.
