(El Clarin) – Nicolas Marin Benitez a haya e premio EPOTY (Enviromental Photographer of the Year), un di e distincion mas importante di fotografia na nivel mundial den e categoria “Recuperando Naturalesa” cu su trabou denomina “Corales de noche,” un potret cu el a documenta durante un buceo cu el a haci na Aruba den oranan di anochi.
Nicolas ta destaca su mes pa su labor y aporte pa conscientisacion di cuido di medio ambiente den e mundo, e ta embahador di International Organization for Migration (IOM), explorador di NatGeo y ademas ta destaca pa su potretnan fenomenal.
Marin ta un fotografo submarino y e mes ta pensa, graba y edita videonan cu e ta subi riba su rednan social. Memey di e odisea aki cu a cuminsa ora e tabatin 18 aña, el a siña buceo, investiga y documenta tur loke e ta wak.
E ta traha cu un ekipo di biologonan reportando e comportamento di especienan den peliger di extincion. El a ser eligi entre un di 11 hoben na mundo pa uni na un programa di Nacionnan Uni cu a biaha na Artico, Nort Pole cu e fin di compronde efectonan di cambio climatico.
Recientemente, tambe el a keda eligi como un di e 100 hoben lidernan na mundo den un conferencia di “Our Ocean” na Panama pa documenta e cambio climatico na Nort Pole, Noruega, Islandia, Islanan Galapago, Aruba, Panama Londres, Fernando de Noronha y Baja California Sur.
Cu 18 aña despues di a studia pa fotografo, cine, redaccion y marketing, ademas di traha den un agencia di publicidad, el a dicidi di postula su mes na e luga unda e tabata studia den cual tabata buscando un fotografo submarino y Social Media Manager.
