(TMZ) – Kim Kardashian lo bula di Hulu pa Netflix despues cu el a bende un comedia na e gigante di streaming cu hopi interes.
Deadline a reporta diadomingo cu e pelicula nobo cu lo ser titula “The Fifth Wheel” a ser bendi na Netflix despues di un guera di subasta pa por haya e derechonan entre 5 studio diferente. Na final, Netflix a haci e oferta ganado aunke no ta cla cuanto exactamente e suma di e oferta aki tabata.
E pelicula no a ser skirbi ni graba te ainda. Kim Kardashian y e 2 escritornan cu a crea e concepto, Paula Pell y Janine Brito, a simplemente bende e idea aki y awo nan lo por crea esaki. Kim lo hunga e rol principal, un ‘fifth wheel’ entre un grupo di actornan femenino. E resto di e detayenan di e storia te ainda no a ser revela, sinembargo rumornan ta conta cu Pell y Brito inmediatamente a pensa riba Kim pa e rol aki y a presenta e idea na su persona. Despues cu Kim a acepta, nan a cuminsa cana e caminda asina cu e manifestacion di actornan a caba y cuminsa purba bende di esaki.
Deadline a reporta cu Kim tabata presenta na hopi di e reunionnan y cu su dedicacion a causa cu hopi di e studionan a habri nan porta y a tuma e pelicula bao consideracion. Ademas, no solamente e lo actua sino tambe e lo ta productor conhuntamente cu Pell y posiblemente otronan.
Pell ta un escritor di comedia hopi conoci y estableci di mesun manera cu Brito. Pell tin creditonan un poco mas largo manera SNL, e pelicula “Sisters” y Judd Apatow su ‘This is 40’.
Claramente e punto cu mas atencion a ricibi ta cu Kim lo expande su carera como actor. Ya caba el a cuminsa amplia su carera cu American Horror Story e aña aki, ademas di otro rolnan chikito cu el a haci den pasado.
