Cuatro di cinco excursionista accidenta na volcan Citlaltépetl a ser rescata

(Globovision).- Militarnan y specialista di montaña halto di Mexico a rescata cuatro di cinco excursionista Mericano, cu a accidenta na un volcan inactivo di Citlaltépetl, miho conoci como Pico de Orizaba, autoridadnan Mexicano a informa.

Aunke proteccion civil di estado di Puebla a bisa inicialmente cu tabata un grupo di ocho persona, un rapport final a bisa cu e cantidad di hende cu a perde tabata cinco excursionista solamente.

Despues di varios vuelo cu Marina di Mexico a haci pa haya tur alpinista, nan a logra rescata dos excursionista via tera, durante diadomingo anochi. Tur dos persona rescata  a bay pa ciudad di Mexico, proteccion civil a splica den un comunicado.

Durante e prome par di ora despues otro dos alpinista mas a ser haya na localidad di Tlachichuca , y personal di urgencia medico a hiba nan pa otro hospital di estado pa asina atende e golpinan cu nan tabatin riba nan curpa, e dependencia a splica.

E montaña Pico Orizaba tin mas di 5600 meter di altura y ta esun mas halto di Mexico, ubica entre limite di estadonan Puebla y Veracruz . Nan ruta di ascenso ta hopi bishita, tur dia pasobra tur esunnan cu ta stima alpinismo, gusta subi e montaña aki.

Diahuebs cu a pasa, autoridad a haya e curpa di otro alpinista Mericano riba mesun montaña, den un accion cu riesgo, cu a laga un di e rescatistanan lesiona, despues cu el a cay di un baranca di 50 meter.

 

You May Also Like

201009-omag-kogan-600x411.jpg

Muhe seduci pa ”Dating Ad” a wordo secuestra y asesina

Un muhe cu a responde un ”Dating Ad” den corant, esta , un propaganda ...

venezuela_telefonia_usuaria.png

Servicio di telecomunicacion afecta pa robo di nan ekiponan

E boroto di hopi hero cayendo a lanta tur bisiña di zona industrial di ...

rtxv91b-e1456247095347.jpg

Segun survey nobo: Bida ta miho na Europa

Si bo ta desea di mehora bo calidad di bida, ta oficial cu ta ...

Politiconan na Den Haag ta trata di score asiento riba lomba di Hulandes Caribense

DEN HAAG – Diferente partido politico na Hulanda for di añanan ‘80 ke para ...

160805233225-15-rio-olympics-opening-ceremony-0805-super-169.jpg

Rio ta cla pa haci Historia

Renacemento y Regeneracion. Esey tabata e mensahe tras di e ceremonia vibrante cu a start ...

Peru a tuma medida radical contra Odebrecht y a obliga pa cumpli cu debe

Estado di Peru a bisa cu no lo bay contrata e empresa di Brasil Odebrecht ...