Cuba a reporta ayera diaranson e prome persona fayecido den su teritorio, un Italiano di 61 aña diagnostica cu COVID-19, Ministerio di Salud Publico di e isla a bisa den un nota oficial den medionan estatal.
“Den oranan di marduga di 18 di maart a fayece e pashent di nacionalidad Italiano di 61 aña di edad, cu tabata den estado critico na sala di terapia intensivo di Instituto di Medicina Tropical Pedro Kouri”, segun un comunicado breve a bisa.
Den oranan di anochi di 17 di maart a confirma tres caso nobo di COVID-19 pa e laboratorio di biologia molecular di Centro Provincial di Higiene y Epidemiologia di Villa Clara.
Den oranan ultimo, Ministerio di Cultura a suspende espectaculonan nacional y internacional cu tabatin planea den e isla, mientras tanto e organismo rector di deporte a haci mesun cos, incluyendo biahe pa exterior di varios atleta, cu excepcion di esunnan cu tin compromiso pa su clasificacion pa Olimpiada di Hapon.
Asina mes, Gobierno di Cuba a sigura di tin reserva di Interferon Alfa 2B – un di medicamento cu cual a trata COVID-19 – na China, pa cubri no e demanda di e pais so en caso cu e virus expande, sino cu tambe e parti di comunidad internacional.
E empresa cu ta fabrica e medicamento tanto na Cuba como na China, a traves di un empresa mixto Interferon Alfa 2B ta un antiviral cu combina cu otro farmaco ta yuda trata e coronavirus, specialmente na e gigante Asiatico.
