(CiberCuba) – Minister di Salud Cubano, Jose Angel Portal Miranda, a reconoce cu 2021 tabata un aña “duro” pa e sistema sanitario nacional, principalmente presiona na e pandemia di COVID-19.

E funcionario a publica un informe anual ariba Facebook unda ta señala cu e situacion epidemiologico ocasiona pa COVID-19 a pone “tension” ariba e servicionan sanitario “di un manera nunca antes imagina”.

Den e ultimo 12 lunanan, e titular di e Ministerio di Salud Publico (MINSAP) a bisa cu a diagnostica 954.417 pashent positivo y a mustra evidencia di un aumento notabel di casonan despues di e prome trimester di e aña, specialmente faboreci pa e yegada na e isla di e variante Delta.

“Ban corda cu e tendencia di aumento di casonan a keda mescos te cu augustus, momento den cual a produci e number mas halto di pashent den un luna, cu 265 mil 121 contagio”, Portal Miranda a expresa. Na september, el a comenta, e scenario a cuminsa bira miho y e contagio a keda baha pa 13 siman tras di otro.

Segun e funcionario, 2021 tabata un periodo den cual hopi mucha, incluyendo menornan di un aña, a bira malo cu e virus y a reporta 175.321 pashent den edadnan pediatrico. E cifra aki ta representa 18.4% di e total di casonan registra.

A pesar di e aumento di casonan den e ultimo dos simannan di e aña, december a resulta di ta e luna di miho scenario epidemiologico cu 3.845 caso nobo, e Minister a resalta.

Den su informe titula “Que significo la COVID-19 para el Sistema de Salud Cubano en el 2021?”, e funcionario no ta menciona e collapse di varios hospital mita aña, ni e falta di oxigeno medicinal reporta pa e fechanan ey, locual a conduci na un aumento di e mortonan.

Ademas, e crisis di e hospitalnan Cubano tabata, pa hopi experto, e chispa cu a haci explota e protestanan anti-gubernamental di dia 11 di juli na Cuba.

 

LEAVE A REPLY

Please enter your comment!
Please enter your name here