‘Cuminda ta un relacion emocional’

ORANJESTAD – Den un reciente entrevista, Meredith Marin a papia tocante di con e tabata cu su bida saludabel pa e bira un persona vegan, y con el a educa su mes den e parti nutricion y con pa cushina.

Bon Dia Aruba a puntra Marin si e ta recomenda otro persona pa bira vegan. E ta splica cu vegan ta e manera pa biba. “Mi ta conseha e persona pa skip e fase di vegetariano. Mi mes tabata vegetariano pa hopi tempo.”

E ta continua splica cu e no tabata bon educa riba e tema, agregando e no tabata conoce di salud. E ta bisa cu na un principio el a bira vegetariano pa motibo cu e no kier a crea daño na mundo. “Mi a pensa cu si mi no lo paga pa hende mata bestia pa mi, e ora esey mi lo haci pero despues mi a busca mas informacion y ma realisa cu esey no tabata e manera mas saludabel cu mi tabata. Manera keshi ta e cos di mas malo cu por pone den bo curpa.”

Sinembargo den su proceso di vegetariano e no tabata compronde cushina of salud. E ta agrega cu ora el a siña cushina ‘esey a cambia mi bida completo’. El a habri e porta pa compronde nutricion hunto cu ingrediente vegan pa asina e cuminsa traha sabor cu bon smaak den cuminda.

“Mi ta recomenda 100%, mi ta kere cu cada hende ta riba nan hornada. Pa algun hende nan ta bay busca informacion, of wak algun documentario cu ta haci realisa cu nan no por pone carni den nan boca, pa algun persona lo ta mi lo cambia lechi di almendra en bes di bebe lechi di baca.”

E ta agrega cu ta depende di cada persona ora nan mes dicidi ki ora e ta cla cu webo, keshi of cualkier producto di animal ‘pero e miho opcion pa salud ta pa evita tur producto di animal’.

Bon Dia Aruba a puntra Marin kico tur nan por come. E ta contesta cu e planta basico manera berdura, fruta, batata. Tambe tin hariña, nan ta come simia y bonchi di tur e colornan cu e ta bisa ti variedad di nan.

“Tin mucho producto caba cu tin caba cu planta, mi por haya lenteha den producto traha caba. Galiña traha di green peas”, e ta splica. Marin ta splica cu no ta necesario cu persona mes mester ta creativo pa traha cuminda, ya cu mayoria di producto ta existi caba ‘nan ta afo y mester ta dispuesto pa purba nan’.

Sinembargo, e ta remarca cu e ta bon pa un persona ta creativo cu nan smaak ‘eynan ta unda e cushinamento ta bin’. E ta agrega cu e mes ta duna les di cushimanento pa locual tambe ta duna coaching pa esunnan cu kier cambia nan estilo di bida.

Segun Marin, pa motibo di esaki el a logra conoce hopi hende vegan den e comunidad. e ta agrega cu hende ta contento pa e cambio nan nobo cu diferente opcion. Pa su trabou como trahado social y duna les mita tempo na Universidad di Aruba di psicologia e ta bisa cu el a cambia pa e negoshi di cushina. “Esey ta e primordial cu restaurant y hotel, turista y local cu kier duna sosten den e comunidad vegan of kier djis come saludabel”.

Bon Dia Aruba a puntra Marin si hende tin interesa pa biba manera un vegan. E ta contesta cu e ta kere hende tin miedo. “Mi ta kere e relacion cu hende tin cu nan habito ta locual ta haci nan no bira vegan. Nan ta haci locual mayornan y e cultura ta bisa nan pa haci.”

Segun Marin, hende necesariamente no ta haci escogencia a base di nutricion logico. E ta bisa cu cuminda ta algo emocional. E ta un relacion emocional. “E ta sinti un conexion, un amor pa cuminda cultural, esey ta locual mi mayornan semper a come, e ta dificil pa laga esey bay. Mi ta kere esey ta locual ta wak na Aruba, nan ta actualmente tin e miedo di perde nan cultura pa motibo di tur locual ta drenta sea cultura, pa Turismo, pues e ta inhusto.”

Sinembargo Marin ta bisa cu locual e ta wak cu mas luga local tin tayo pa persona vegan. Den pastechi tambe, e ta agrega cu eynan hende por ripara cu den cuminda por haci vegan sin perde e cultura di e pais.

E ta agrega cu esey ta lo miho pa haci. “Mi ta kere cu hende aki tin compasion, mi ta kere nan ta duna interes pa mundo y specialmente pa nan Isla. Nan ta conecta cu nan pais, nan limpiesa di lama, pero sin realisa cu e lama tur e daño pa e bida den lama ora di pisca of uza net y ora duna sosten ora di cumpra pisca. Mi ta kere cu no hende sa cu nan no mester laga nan cultura pa medio di vegan pa hende haci cambio.”

 

 

You May Also Like

10Aug,JO, Ilegal1.jpg

Buskeda pa ilegalnan cu a drenta Aruba sin wordo detecta

Diamars marduga Polis maritimo riba tera patruyando hunto cu Kustwacht a tuma nota cu ...

5septNg Tourism Authority.JPG

ATA a entrega su presupuesto 2017 pero no na tempo

Aruba Tourism Authority (ATA) ta informa cu nan a entrega e presupuesto y plan ...

Accion pa yuda victimanan di tragedia na Mocoa

Poco dia despues cu un accion di colecta a tuma luga pa yuda e ...

No ta permiti mas pa bin cu un mall na Bubaliplas

Ayera mainta den un sentencia na corte, unda cu hues ta nenga peticion di ...

Accion venezuela (1).jpg

Grupo di Venezolano a expresa nan solidaridad cu gran “Toma de Venezuela”

Mientras cu den henter teritorionan di Venezuela hendenan a cuminsa mobilisa pa loke a wordo ...