Ministerio Publico di Aruba y di Colombia ta firma MOU

ORANJESTAD – Diaranson ultimo procurador general di Aruba Alexander van Dam y Fiscal General di Colombia Nestor Humberto Martinez Neira a firma un Memorandum di Overeenstemming (MOU) entre Aruba y Colombia na Bogota. Esaki a tuma luga den presencia di representantenan di Embahada di Reino na Bogota.

E firmamento di e MOU entre e paisnan ta un momento importante pa ambos pais.

Ministerio Publico di Aruba ta pone hopi balor na mantene un bon relacion cu autoridadnan Colombiano. Relaciona cu esey tanto Aruba como Ministerio Publico di Colombia a hala stapnan grandi e ultimo añanan, pa estrecha e lasonan hudicial y di polis entre e dos paisnan.

Fin di aña pasa procurador general di Aruba Van Dam a firma un MOU cu e procurador general di Colombia Fernando Carillo Flores. Na Colombia ta diferente cu na Aruba: ey ta e procurador general y Fiscalia General hunto ta responsabel pa e tareanan cu aki na Aruba ta cay bao Ministerio publico.

E MOU-nan ta dirigi riba reforsa y desaroya e cooperacion entre Ministerio Publico di Aruba y procurador general y fiscalia general di Colombia den e lucha contra crimen organisa internacional, particularmente contra traficacion di droga, labamento di placa y mensenhandel.

E cooperacion aki ta den forma di entre otro, rechtshulpverzoeknan (asistencia huridico) di ambos banda.

 

You May Also Like

images.jpg

Historia di Dande na Aruba

Historia di dande E historia di dande a wordo conta den diferente manera, pero ...

‘Studiante mester ta filosofo y pensa criticamente’

Diamars ultimo e curso preparatorio di aña 2017-2018 na Academy of Fine Arts & ...

10feb. JM, Raspa Carchi.jpg

Jack Bult: Nunca a permiti raspa carchi di credito na Superfood

Segun Director di Superfood, Jack Bult, nunca a permiti ningun persona pa raspa carchi di ...

scopet.jpg

Dialuna mainta y diamars marduga polis ta detene hobennan cu arma den auto

Den dos control totalmente distinto Cuerpo Policial di Aruba ta para auto y haya ...

Accionistanan ta dicidi awor riba futuro InselAir Aruba

InselAir International, e compania di e aerolinea na Corsou, no kier keda cu nan ...

Gobierno ta introduci prohibicion pa importa gasolin for di Venezuela

Cu e meta pa combati gasolin di contrabanda cu ta drenta nos isla for ...