Cuminsa inscribi muchanan pa YMCA camp

11954717_1094408260589145_4608243343946356515_n (1).jpg

Tur aña mayornan y muchanan ta pidi p’e y e aña aki no ta diferente: Y’s Care Summer Camp organisa pa YMCA Aruba ta bek na Dakota y na San Nicolas cu programanan fabuloso y bon varia. Esunnan cu tin custumber di participa na e campnan lo ripara cu e programa atrobe a conoce expansion y mas variacion ainda. Lidernan cu hopi experiencia den cuido y organisacion di camp pa hobennan ta encarga cu e programanan.

YMCA ta invita mayornan pa inscribi nan yiunan awe mes pa e campnan cu ta tuma luga den e periodo di vakantie grandi, di dia 11 di juli te cu dia 5 di augustus. Tin dos grupo di edad, esta di 4 pa 12 aña y e grupo di teenagers, esta di 13 aña p’ariba.

E programa ta uno di ful dia, for di 8’or di mainta te cu 4’or di atardi. E actividadnan den e programa ta varia pa siman. E muchanan den e grupo mas hoben, lo participa na actividadnan y lo ricibi presentacionnan manera lesnan di teatro, arte, obra di man, poppenkast, show di magia, weganan di awa, hunga hockey, cricket, bishita na museo, bishita na Aruba Art Academy, bishita na parke di avestruz, un fiesta estilo Bollywood, un dia na beach, un dia na Community Pool, proyectonan di ciencia y mucho mas.

E programa pa e teenagers a wordo adapta pa nan edad y nan interesnan, y ta inclui paddle board, shakes saludabel, crossfit, cinema, Mente Inteligente na TeleAruba, windsurfing, yoga, paintball, un fiesta di toga, fotografia, hockey y spel zonder grenzen.

E prijs pa un siman ta AFL. 75 pa miembronan di Y’s care, Afl. 100 pa miembronan di YMCA, y Afl. 125 pa publico general. Mayornan por tuma contacto cu YMCA pa inscribi nan yiunan y si nan ta desea mas informacion, na Dakota – tel. 5823072, na San Nicolas – tel. 5845303.

 

You May Also Like

Aruparking

‘Aruparking lo por bini cu klem atrobe’

No ta desconoci e proceso dificil cu e compania estatal di transporte publico Arubus ...

20151009_114701.jpg

‘Papia di situacion dificil manera cancer den famia’

ORANJESTAD – Alydia Wever productor di pelicula ‘Riba e mesun awa’ ta indica cu ...

paul_holland.PNG

Minister Paul Croes ta pone enfoke riba igualdad laboral pa Dia International di Hende Muher

E aña aki Organisacion Mundial di Labor, esta ILO, lo dialoga durante reunionnan na ...