Durante sesion informativo dr. Izzy Gerstenbluth a anuncia cu Korsow a registra un caso mas di Covid-19. Ta trata di un persona cu a regresa Corsou recien. E persona tabata den cuarentena ora el a haya e sintomanan. A test e persona di biaha y e resultadonan a back positivo.
Gerstenbluth awo nan ta investigando tur persona cu tabatin contacto cu e persona pa asina nan por haci test.
Actualmente tin 430 persona den cuarentena relaciona cu biahe. Lo agrega mas persona na e lista aki, pero tambe lo ser elimina di e lista unabes nan finalisa nan cuarentena obligatorio di 14 dia. Por lo tanto e number ta varia cada biaha cu tin un sesion informativo.
Tambe tin dos oficial di marina y dos oficial di FOL cu ta ser monitoria pa nan propio salud medico pero cu ta reportando na e departamento di epidemiologia. Riba e crucero tin 191 tripulante cu ta den cuarentena y nan ta ser monitoria diariamente
E esfuersonan aki ta Costa hopi energia, hopi trabou y recurso pero mester hacie pa evita cu ta reintroduci e virus den e pais aki. Esaki ta e motibo pa kico e cuarentena ta obligatorio i no liber na cas, pasobra a keda demostra cu varios hende no ta tene nan mes na e regla.
Si habri Corsou y laga hende local y tur turista drenta esey tin su consecuencianan directamente riba e situacion den pais. Principalmente Merca, caminda tin hopi virus y tin transicion enorme mester wak bon. Si habri pais awor aki nos ta core riesgo cu grupo grandi di hende ta bini anto e cantidad cu lo ta positivo lo ta mas grandi i ora e virus plama den comunidad cerca hende local e ora ey transmision ta plama y pone Corsou bek na e situacion caminda ta pone presion enorme riba e capacidad di salubridad. No tin espacio pa haci fayo, asina Gerstenbluth a duna di conoce.
