Diaranson atardi algo prome cu 7’or ambulance y polis ta bay cu maximo urgencia pa Parke Curason, pa un mucha di 13 aña cu a bira hopi malo y a sak den otro.
Segun testigonan ocular na e sitio a bisa cu e mucha lo a bay cana of tabata hungando paden, y cu diripiente ela bira malo caminda su color di curpa a cambia mes ora.
Segun nos por a compronde cu e lo ta sufri di problema serio di curason. Na e sitio mes ora personal di ambulance a cuminsa cu re-animacion.
Nos a compronde cu su mayornan tambe tabata na e sitio. Despues di un rato cu a logra stabilise nan ta sali cune cu emergencia pa Hospitaal, caminda patruya lo mester a yuda pa asina por yega mas lihe posibel.
Mas despues ta drenta informacion cu despues di casi traha cu e mucha homber pa 1 ora Dios a dicidi otro, y e ta fayece.
Hopi hopi forsa ta bay na su famia, paz na su restonan.
