Curtis Fraser (POR): Danki pa Acepta mi

Curtis Fraser (POR)

Tin momentonan den bida unda bo ta realisa cu di berdad tur cos ta posibel. Despues di un tremendo reaccion y bon presale mi a keda entusiasma pa mira e resultado di e BBQ Fundraiser. Asina mes mi no tabata prepara p’e avalancha di sosten cu pueblo, specialmente pueblo di San Nicolas, a sa di duna mi ariba diadomingo. Mi tin di bisa danki pa e sosten masal, nos a keda Sold Out cu un benta di 500 BBQ.

Un tiki ambicioso pa un candidato nobo, pero basa riba e sosten cu mi ta ricibi den pueblo nos tabatin e confiansa cu nos lo logr’e. E apoyo di pueblo ta hopi importante mirando cu den Partido POR e cantidad di voto ta determina ken lo bay sinta den Parlamento, no e candidato su number riba e lista. Den seno di partido tur candidato a acorda pa firma un protocol, basa riba ley, cu ta haci esaki posibel.

Nos lo no depende riba e cambionan di ley di kiesverordening ya cu no tin niun garantia cu esaki lo yega parlamento. Danki na mi team grandi cu ta kere den mi persona y ta sacrifica asina hopi di nan tempo pa nos logra e cambionan den politica cu nos tur ta kere aden! Un danki special na tur cu a warda cu nan santo pasenshi pa duna mi tantisimo palabranan di sosten. Mi a tuma tur conseho y lo sigui duna oido pa sin duna un bos na pueblo. Y e danki mas profundo ta bay na e sosten mas grandi den mi bida, mi amor Carol.

Mi lo finalisa bisando tambe: Keda pendiente di mi Facebook Page (FraserPOR) pa info y e proximo actividad cu mi lo organisa cual ya ta den preparacion!!! #FraserPOR #SanNicolasPOR #EForsaNobo

You May Also Like

‘Coalicion MEP-POR lo nifica instabilidad y intrankilidad na Aruba’

Ayera dia 3 di october pa 1or di merdia un delegacion di partido AVP, ...

“Atraco nr.55 ta un cu por a wordo preveni door di medidanan efectivo”

  No a dura largo cu atrobe un negoshi ta bira victima di atraco. ...

‘Minister Oduber ta traha plataforma pa persigui mas hende politicamente’

No cabe duda, Minister Oduber ta un personahe di carnaval y ayera el a ...

‘Hopi biaha e minister anterior ta otorga cosnan cu no ta haya den ley’

Durante e conferencia di prensa pa anuncia cambio den maneho na DIMAS, Minister di ...

Minister Hulandes ta retira pa via di mentiranan relaciona cu Putin

Minister di relacionnan di exterior na Hulanda a retira diamars despues di admiti cu ...