(AP) — Rapper DaBaby tabata elimina di e lineup di Lollapalooza despues di comentarionan homofobico cu el a haci siman pasa na un festival di musica den area di Miami.
E artista nomina pa Grammy, ken su nomber ta Jonathan Kirk, tabata programa como acto di clausura den e ultimo anochi di e festival di cuatro dia na Chicago. Organisadornan di Lollapalooza a tweet diadomingo cu rapper Young Thug lo presenta pa 9pm na su luga.
“Lollapalooza a wordo funda riba diversidad,inclusividad, respet y amor”, e organisadornan a skirbi. “Cu esey den mente, DaBaby no ta bay presenta na Grand Park awenochi mas.”
Den dianan recien, artistanan incluyendo Madonna, Questlove y Elton John a denuncia comentarionan cu DaBaby a haci durante un presentacion diadomingo ultimo. Riba escenario, e rapper a critica miembronan di comunidad LGBTQ y hende cu HIV y AIDS. Usando lenguahe inapropia, el a pidi esnan cu no ta gay of infecta cu HIV pa hisa nan flashlight di nan celular, y incorectamente a bisa cu e malesa ta ‘pone bo muri den dos pa tres siman’.
