Un dama studiante cu ta di bishita aki na Aruba inocentemente a bay pa yuda un cacho cu ta tur na sarna. Pa su sorpresa e la termina riba Facebook acusa di ta ladron. E problema a cuminsa na momento cu doño di cas no a gusta cu e la wordo cuestiona riba e dikon e cacho ta asina y a bay over pa saca potret, subiendo esaki riba Facebook avisando pa tene cuenta cu tin un ladron ta wak den tur cas na Noord.
Hopi ta e personanan cu a share esaki te hasta un trahador di Gobierno fam Nicolaas a bay asina lew di insulta e dama aki, yamando e pa ‘yiu di p…’ y mandando menasa fuerte den su direccion. Polis a wordo notifica di e caso aki y danki na e personahe conoci Milly Ras di Real Talk With Milly a logra trece dilanti e berdad di locual cu a pasa.
Mientras tanto, e post original a wordo kita for di Facebook, pero e dama perhudica ta wardando riba un disculpa bon mereci.
