(NLTimes) – E Netherlands Forensic Institue a logra lesa y publica datonan sigura di e autonan Tesla.

E vehiculonan ta warda tur sorto di informacion tocante e manera cu e auto ta opera y tur su sistemanan di asistencia, manera velocidad, angulo di e stuurwiel, y e operacion di e sistema di auto piloto. E datonan aki ta un mina di oro pa analistanan di accident di trafico, Francis Hoogendijk a di e Netherlands Forensic Institue a declara na NOS.

E compania di Tesla tin acceso na tur e datonan aki pa asina por actualisa of drecha nan productonan. E doño tambe por obtene acceso, pero solamente si pidi esaki, y solamente e dato cu ser pidi lo keda entrega. “Bo no por pidi loke bo no sa, kiermen e ta hopi importante pa nos sa sa cual otro informacion ta warda,’ Hoogendijk a bisa. “Nos a analisa completamente con e sistema di registracion ta funciona entre otro cos, pa medio di revisa y investiga e programa den gran detaye.”

Segun e Netherlands Forensic Institue, e documentonan ta aclaria e influencia di e sistema di asistencia na e conductor den e evento di accident. E datonan y record di velocidad tambe ta completamente berdadero, cu solamente menos di 1 kilometer diferente di actualidad.

E Netherlands Forensic Institue a publica nan descubrimento na un conferencia pa analistanan di trafico pa e informacion por keda usa den exterior tambe.

E instituto Hulandes no por a bisa si otro fabricante di auto por warda e mesun cantidad di data manera Tesla. E Netherlands Forensic Institute ta spera cu leynan internacional y regulacionnan lo ser introduci pa permiti e fabricantenan ta mas transparente tocante e informacion cu nan ta warda.

LEAVE A REPLY

Please enter your comment!
Please enter your name here