Bou di mandato di Minister di Turismo & amp, Salubridad Y Prome Minister di Aruba, un delegacion consistiendo di representantenan di Ministerio di Turismo, Ministerio di Husticia, Director di Departemento di Relacionnan Exterior, Aruba Airport Authority, Embahada di Reino Hulandes y lidera pa Minister Plenipotenciario na Washington DC, a participa na un reunion consultativo cu Customs & amp, Border Protection (CBP) y State Department riba e topico di US Preclearance na Aruba.

Aruba, como un di e prome paisnan na mundo, a negocia un tratado di pre-inspeccion di imigracion y duana cu Merca na aña 1994 y a logra establece e US Preclearance na aeropuerto internacional Reina Beatrix. E CBP Preclearance ta sumamente importante pa mantene e stabilidad y crecemento di Aruba su turismo cual ta consisti pa su gran mayoria di bishitantenan Mericano.

E CBP a expresa ya pa basta tempo e necesidad pa modernisa y amplia e tratado di Preclearance di aña 1994, entre otro falta di capacidad humano y limitacionnan presupuestario. Mirando e importancia di e US Preclearance pa Aruba su economia, Gobierno a priorisa e topico aki y afirma su compromiso pa yega na renegosiacion di e tratado.

Prome cu e reunion consultativo cual a tuma luga na Washington DC dianan 20 y 21 di October, e

partidonan envolvi a delibera en extenso riba topiconan di siguridad, aspectonan operacional y

interpretacion legal. E reunionnan a bay den un ambiente constructivo durante cual ambos banda a

expresa nan compromiso pa Aruba mantene e US Preclearance cu e condicion cu lo drenta den un

proceso di renegosiacion di e tratado pa por cumpli cu e exigencianan legal y operacional pa cumpli cu e di actualidad cierto cambionan operacional.

Partidonan a dileña un plan di accion detaya cu lo mester tuma luga prome cu e high-season venidero y anterior na e renegosiacion di e tratado. E delegacion a expresa pleno confiansa cu e deliberacionnan lo conduci na bon resultadonan, tanto pa Aruba como pa US CBP.

LEAVE A REPLY

Please enter your comment!
Please enter your name here