Delegacion di infrastructura y medio ambiente di Parlamento a haci un bishita na e dump di Parkietenbos. Nan a bay mira e incinerator pa kima sludge, lodo di Bubabliplas, medical waist y cadaver di bestia.

E parlamentarionan a haya un splicacion amplio riba e incinerator y a keda hopi satisfecho y cu e informacion tabata hopi valido. Probablemente aki par di luna pa ta exacto den luna di Maart, si tur cos cana manera mester ta, e incinerator por cuminsa funciona pa mira un adelanto den henter e problema riba dump y pa e bario di Parkietenbos. Esaki no ta u problema di awor , pero pa varios aña caba e problema di dump tabata bin ta acumulando. Actualmente tin un incinerator y tur cos ta mustra cu e ta un bon escogencia pa cuminsa haci un cambia riba dump di parkietenbos. Director di DOW tambe tabata presente hunto cu e expertonan den e ramo aki y a duna e splicacion necesario di e incinerator. E parlamentarionan a mustra di ta hopi interesa y a haci diferente preguntanan conserni. Tur parlamentario tabata presente, cu excepcion di esnan di AVP.

 

LEAVE A REPLY

Please enter your comment!
Please enter your name here