(BBC).- Jesus Martin, miho conoci como Kalimba, na Puebla, centro di Mexico, no a logra despista su enemigonan cu su identidad nobo.
El a muri pa tiro cu el a haya mey mey di un sala di operacion, mientras un medico tabata haci un operacion riba su cara, y pa purba cambia su hueyanan digital tambe.
Un grupo di homber cu arma di candela a drenta na e centro medico EPMAC, na un lugar yama Lomas 5 de Mayo, mientras Martin tabata den un operacion.
Suhetonan no a mata Martin solamente, nan a mata tambe tres persona mas, cu tabata supuestamente su novia, su escolta y un medico, corantnan local a comunica.
Martin tabata busca pa autoridadnan pasobra e ta conoci como lider di un di bandanan criminal mas importante di Puebla, dedica na horta y comercio di gasolin y diesel.
Trafica combustibel ta un negoshi ilegal na e pais aki y cu na nivel internacional ta un di e problemanan mas grandi despues di narcotrafico.
