(NLTimes)—Ayera a tuma luga demostracionnan di apoyo pa Palestinonan na Hulanda. Na Amsterdam, aproximadamente varios centenas di demostradonan a reuni. Aproximadamente 5.000 hende a reuni na Binnenrotte na Rotterdam.
E protestadonan na Rotterdam a waya banderanan Palestino, Turco y Marocano y a tene un silencio di dos minuut pa e victimanan di e guera na Gaza, segun un reportero di ANP. Prome cu e momento di silencio, nan a canta “Free, free Palestine.” Na gemeente di Rotterdam, tabatin un presentacion chikito di apoyo pa Israel. Aproximadamente 10 hende a waya banderanan Israeli y a carga borchinan bisando “Never again now.”
E demostracion na Amsterdam a tuma luga na Plein ’40-’45 y a dura te 3:45 di atardi. Casi tur hende a carga un bandera of un borchi di protesta, segun un otro reportero di ANP a observa. Entre nan tabatin banderanan Palestino. E borchinan di protesta tabata lesa “Time for a real change,” “Palestine is an issue for all Muslims,” y “Two-state solucion = betrayal.” Un mucha muhe chikito tabata carga un borchi bisando “This is not war, this is genocide.” Tambe tabatin cantamento di slogan, manera “Gaza, we are by your side. Liberation is near” y “the source of all evil, the occupying state.”
E demostracion a procede den un manera ordena, cual tambe e organisadonan a exigi. Decenas di forsa di seguridad den vest oranje tambe tabata presenta durante e demostracion. Tras di e vestnan tabatin e nomber di e organisado poni, esta Hizb ut Tahrir.
Demostracionnan den apoyo pa Palestinonan tambe a tuma luga den varios otro localidad diasabra, incluyendo Den Haag y Maastricht. Siman pasa, algun demostracionnan a causa desorden. Diaranson, por ehempel, polis a interveni na centraal station di Den Haag. Un dia prome, centenas di hende e demostra cerca di e Embahada Israeli na Den Haag, y desorden a surgi na e districto di Schilderswijk na Den Haag. Na Amsterdam, diadomingo pasa, varios hende a ser deteni na un marcha pro-Palestino.
Israel ta menasando un atake riba e area di Gaza Palestino. E teritorio ta bao control di e organisacion Islamista Hamas, cual a lansa un atake riba Israel na comienso di luna, resultando den mas cu 1.400 morto.
