Algun aña atras a yega di wordo menciona cu Aruba ta entre e 10 paisnan na mundo cu mas consumo di alcohol per capita. Esaki probablemente ta influencia no solamente door di su habitante, pero mester tene cuenta cu Aruba ta un isla turistico, ricibiendo miles y miles di turista pa aña.

Cifranan di 2020 ta mustra cu e isla a consumi 50 miyon florin na bebida alcoholico, cual ta mustra hopi pero ta un caida cu e aña anterior.

Segun e cifranan registra, Freezone a importa 15.2 miyon na bebidanan cu ta cay bou di e categoria Spirits. Esaki ta bebidanan sin sucu, destina, cu tin un contenido di alcohol di por lo menos 20%. Esunnan mas comun ta whiskey y vodka, cu e contenido di alcohol ta rond di 40%. Pero tambe e ta inclui licornan manera brandy, gin, rum y tequila.

Di e cifra menciona, Freezone a importa 15.2 miyon florin na bebida pisa y 13.3 miyon na biña. A importa tambe un poco mas cu 12 miyon florin na cerbez, cu ta rond di 3.5 miyon boter di cerbes.
Si conta loke a keda importa via di barco y aire (49.7 y 0.3 millón) ta yega na casi 50 miyon florin importa na bebida alcoholico.

E mercado for di unda mas a importa alcohol tabata for di Europa, for di unda a busca un tiki mas cu 30 miyon florin na alcohol, sigui pa Merca, Caribe y Latino America. E ultimo aki probablemente ta biña.

Cifranan di 2019, cu tabata e aña prime cu pandemia, a importa 87.0 miyon florin di alcohol via barco y 0.4 miyon florin via aereo. Pues e tabata 17 miyon florin mas cu den e aña di pandemia (2020).

Pero tambe e tabata un poco mas hopi cu e aña anterior, cu ta 2018. Den 2018, segun cifranan di Duana, a importa aproximadamente Afl. 85.9 miyon via di barco y 0.5 miyon via avion.
Pa un isla chikito, e cifranan aki ta hopi halto.

LEAVE A REPLY

Please enter your comment!
Please enter your name here