E homber naci na Boneiro cu polis a detene diabierna, ta e sospechoso principal te awor den e caso di tiramento na Wayaca unda Shasha Fong a perde su bida.
Polis a detene dos persona y manera Bon Dia 24 a trece diasabra, un di nan ta e sobrino di e victima, esta e comerciante Steve Fan. E detencion a tuma luga riba diabierna, e dia di condolencia. Aparentemente e sospechoso Fan tambe tabata presente y despues polis a deten’e na su cas na Pavia. Eynan autoridadnan tambe a confisca un pickup shinishi cu testigonan a mira na veld di Sportboys riba e dia di e tiramento y e sospecho ta cu sr. Fan tabata duna un lift na e sospechoso principal, J.E.
