Parada di Mucha na Playa a cuminsa pa 2’or di atardi na Wilhelminapark y pa 5:45 e cuminsamento a yega Entertainment Center, Vocero Policial Lito Lacle a splica cu un total di 170 personal riba pia. Durante di e parada a detene seis persona; cuater pa droga y dos pa no sigui ordo di polis.
Hechonan castigabel cometi e aña aki tabata mas “light” si compara nan cu e resultadonan di e mesun actividadnan di Carnaval 61. E cantidad di detencionnan tambe tabata relativamente menos.
Actividadnan tumando luga ainda e siman aki, ta e Sunset Parade di Noord riba diamars, Lighting Parade San Nicolas riba diahuebs y e gran final di Carnaval 62: Parada Grandi di San Nicolas riba diasabra y riba diadomingo e Gran Parada na Oranjestad. Cuerpo Policial lo ta riba caya durante di e tur e actividadnan aki cu un team multidisciplinario incluyendo recherche, motor unit, polisnan encarga cu coordinacion di tareanan di instancianan manera Serlimar, y mucho mas.
