Desconoci a asesina un pastor evangelico den misa na Rio de Janeiro

E crimen a tuma lugar den un iglesia evangelico conoci como Asamblea di Dios, situa na municipio Itaborai, na Rio de Janeiro Brasil, pagina G1 (O Globo) a publica.

E victima identifica como Custodio Gonçalves di 57 aña, tabata traha tambe na guardia municipal di Itabori, informacion cu a ser confirma pa algun amigo. Dialuna marduga polis a detene un sospechoso cu obhetivo di tende su declaracion,pasobra te awor autoridad no conoce e motibo di e crimen.

Violencia na Rio de Janeiro a crece den ultimo lunanan pa motibo di un guera entre bandanan cu ta bringa pa haya control di narcotrafico y pa e crisis economico cu ta reina na Rio de Janeiro, cu ta produci un situacion cu tiki polis operando riba caya. Varios persona a mustra solidaridad y a manda mensahe di apoyo pa henter famia riba rednan social, como un homenahe na e pastor cu a muri. E culto evangelico a gana bastante tereno na Brasil den ultimo añanan. Na 1994 un 75% di poblacion di Brasil tabata catolico, pero e porcentahe a keda reduci te 50%.

E grupo di evangelico a crece te representa un 29% di poblacion. Entre 2014 y 2016 e religion catolico a perde 9 miyon di seguidor na Brasil. Na e pais Sudamericano e grupo di hende evangelico a haya hopi poder politico y economico.

You May Also Like

Autoridad a detene Venezolano riba vuelo di Corsou cu 40 mil Dollar

WILLEMSTAD – Recientemente un Venezolano cu a yega Trinidad and Tobago riba vuelo di Curaçao ...

Venezuela: Citgo ta aclara cu ‘negoshi ta sigui’

E compania Mericano propiedad di Pdvsa, Citgo Petroleum Corporation, a traves di un comunicado ...

Refineria Amuay na menos di un tercera di su produccion pa falta di crudo

Segun agencia noticiero Reuters desde siman pasa, e destilador number 3 di Amuay, e ...

Argentina: Presidente Macri ta suavisa su posicion encuanto aborto

(Infobae/) – Desde cu el a drenta politica, e lider di e aliansa PRO ...

Honduras: Protestanan violento pa reforma na sector di salud y educacion

Trahadonan den sector salud y educacion a enfrenta dialuna pasa cu polisnan na Tegucigalpa, ...

Ex-gobernador Boliviano condena na 15 aña pa matanza di 13 indigena.

Un ex-gobernador opositor na Bolivia a ser condena na 15 aña di prizon pa matanza ...