Durante conferencia di prensa yama pa Ministerio Publico (OM), a keda confirma cu tin un caso grandi di corupcion di permiso tumando lugar y e minister encarga cu asuntonan social y labor, Paul Croes tambe ta un di e sospechosonan aki.
Na prome instante Bon Dia Aruba a haya informacion cu lo ta trata un caso relacion cu container di droga pero a bin resulta cu esaki no ta corecto sino cu mas bien ta corupcion andando den departamento(nan) di gobierno. A keda confirma cu un total di 13 cas a wordo bishita pa confisca cos y/of pa haci aresto.
Nos redaccion a tuma nota di un cantidad grandi di cosnan cu a keda confisca na cas di e mandatario igual cu tabata tin un busceda na e oficina di e minister. Bon Dia Aruba lo trece un cobertura amplio riba esaki durante di dia.
